၁၄ ဩဂုတ် ၂၀၂၁
အပြည်ပြည်ဆိုင်ရာအလုပ်သမားသမဂ္ဂအဖွဲ့ချုပ် (ITUC) ရဲ့ ၂၀၂၁ ခုနှစ် ကမ္ဘာလုံးဆိုင်ရာ အခွင့်အရေးညွှန်းကိန်းအရ “အလုပ်သမားတွေအပေါ် အာဏာသိမ်းစစ်တပ်ရဲ့ ဦးဆောင်မှုနဲ့နေရာအနှံ့အပြား အကြမ်းဖက်နှိပ်ကွပ်မှုတွေကြောင့် မြန်မာနိုင်ငံဟာ အလုပ်သမားတွေအတွက် ကမ္ဘာ့အဆိုးရွားဆုံးနိုင်ငံ ၁၀ အနက်က တစ်နိုင်ငံအဖြစ်သတ်မှတ်ထားပါတယ်။
ဖေဖော်ဝါရီ ၁ ရက်မှာ အာဏာသိမ်းထားတဲ့စစ်အာဏာရှင်ဟာ ဒီမိုကရေစီပြန်လည်ရရှိရေးတောင်းဆိုကြတဲ့ ဆန္ဒပြသူလူထုတွေအပေါ် အကြင်နာတရားကင်းမဲ့စွာ နှိပ်ကွပ်ဖြိုခွဲမှုတွေကြောင့် မြန်မာနိုင်ငံဟာ ၂၀၂၁ ခုနှစ်အတွင်းမှာ အလုပ်သမားတွေအပေါ် နေရာအနှံအပြားနှိပ်ကွပ်ပြီး ပြည်သူလူထုအပေါ်ဖိနှိပ်မှုပြုလုပ်တဲ့ နိုင်ငံအဖြစ် သက်ဆင်းကျရောက်ခဲ့တာလို့ အစီရင်ခံစာကဖေါ်ပြပါတယ်။
နေ့စဉ်ဆန္ဒပြမှုတွေဟာ ပိုမိုတိုးမြှင့်လာတဲ့ရက်စက်မှုတွေနဲ့ကြုံတွေ့ခဲ့ရတယ်ဆိုပါတယ်။ အစီရင်ခံစာပြုစုချိန်မှာကို ပြည်သူအနည်းဆုံး ၅၅၀ သေဆုံးခဲ့ရပြီး ရာပေါင်းများစွာထိခိုက်ဒဏ်ရာရှိခဲ့ကြသလို လူပေါင်း ၂၇၀၀ ကျော်အဖမ်းခံခဲ့ရ၊ တရားစွဲခံရ ဒါမှမဟုတ် ပြစ်ဒဏ်ချမှတ်ခံခဲ့ရပြီးဖြစ်တယ်လို့လည်း အစီရင်ခံစာမှာ ဖေါ်ပြပါတယ်။ (မှတ်ချက်။ ယခု သေဆုံး ဖမ်းဆီးခံရသူ ၂ ဆနီးပါးဖြစ်နေသည်)
မြန်မာစစ်တပ်ဟာ လွတ်လပ်စွာပြောဆိုမှုကိုထိန်းချုပ် ဖိနှိပ်ဖို့အတွက် ဆိုင်ဘာဥပဒေတစ်ခုကိုပြဋ္ဌာန်းဖို့စီစဉ်ခဲ့ပြီး သူရဲ့ ဖိနှိပ်ဖြိုခွင်းမှုကို လုံးဝအလျှော့မပေးဘဲဆက်လက်လုပ်ဆောင်နေတယ်လို့လည်း အစီရင်ခံစာမှာ ဖေါ်ပြထားပါတယ်။
အစီရင်ခံစာအပြည့်အစုံဖတ်ရူ့ရန်– https://bit.ly/3yEeyKW
