၁၃ သြဂုတ် ၂၀၂၁
စစ်အာဏာသိမ်းမှုကို ဆန့်ကျင်ပြီး ကမ္ဘာ့ဖလားခြေစစ်ပွဲမှာ လက်သုံးချောင်းထောင်သွားတဲ့ မြန်မာ့လက်ရွေးစင်ဘောလုံးသမား ပြည့်သျှံအောင်ကို ဂျပန်အစိုးရက ခိုလှုံခွင့်ပြုလိုက်ပါပြီ။
မြန်မာပြည်ပြန်ရင် အန္တရာယ်ကျမှာ စိုးရိမ်လာတဲ့ အရံဂိုးသမား ပြည့်သျှံအောင်ဟာ ဂျပန်လေဆိပ်အရောက်မှာ မပြန်တော့ဘဲ ခိုလှုံခွင့်တောင်းခဲ့တာပါ။
(အိုဆာကာ ကန်ဆိုင်းလေဆိပ်၊ ၁၇ ဇွန် ၂၀၂၁)
မြန်မာပြည်မှာ ဖေဖော်ဝါရီ ၁ စစ်အာဏာသိမ်းပြီးကတည်းက အနဲဆုံး ပြည်သူ ၉၀၀ ကျော် အသတ်ခံရပြီး ၇,၀၀၀ ကျော် အဖမ်းခံနေရပြီလို့ လူ့အခွင့်အရေးအဖွဲ့တွေက ပြောပါတယ်။
ကင်းထောက်လူငယ် အမှတ် လက်သုံးချောင်းထောင်တာဟာ စစ်အာဏာရှင်ဆန့်ကျင်ရေး ပြည်သူ့နွေဦးတော်လှန်ရေး သင်္ကေတ ဖြစ်လာပါတယ်။
ပြည့်သျှံအောင်ကို ဂျပန်အစိုးရက ဒုက္ခသည်အဖြစ် အသိအမှတ်ပြုပြီး ခိုလှုံခွင့်ပြုလိုက်တာလို့ ဂျပန်သတင်းမီဒီယာတွေက ဖော်ပြပါတယ်။ ပြည့်သျှံအောင်ရဲ့ ရှေ့နေကတော့ အိုဆာကာ
လူဝင်မှုကြီးကြပ်ရေးရုံးကို သြဂုတ် ၂၀ ရှေ့သီတင်းပတ် သောကြာမှာ သူ့အမှုသည် သတင်းပို့ရမယ်လို့ AFP ကို ပြောပါတယ်။
ဂျပန်သတင်းဌာန NHK ကလဲ ပြည့်သျှံအောင်ရဲ့ ဒုက္ခသည်အဆင့် သတ်မှတ်ချက်ကို ဂျပန် “ လဝက” က ရှေ့တပတ်ထဲ အတည်ပြုမယ်လို့ ပြောပါတယ်။
ဒုက္ခသည် နဲနဲပဲ ခွင့်ပြုတဲ့ ဂျပန်က ပြီးခဲ့တဲ့မေမှာတော့ ဂျပန်ရောက် မြန်မာနိုင်ငံသားတွေကို နေထိုင်ခွင့် သက်တမ်းတိုးဖို့ အရေးပေါ်ခွင့်ပြုလိုက်ပါတယ်။
Source: AFP/jt
