၁၆ နိုဝင်ဘာ၂၀၂၁
တရုတ်ဝန်ကြီးချုပ် Li Keqiang နဲ့ ကမ်ဘောဒီးယားဝန်ကြီးချုပ် ဟွမ်ဆမ်တို့ နိုဝင်ဘာ ၁၅ ရက်နေ့က အွန်လိုင်းကနေဆွေးနွေးပွဲကျင်းပခဲ့ကြောင်း တရုတ်အစိုးရအာဘော်သတင်းတွေမှာ ဖေါ်ပြထားပါတယ်။
ရေတပ်အခြေစိုက်စခန်းနဲ့ပတ်သက်လို့ ကမ်ဘောဒီးယား စစ်ဖက်အရာရှိ ၂ ဦးကို ဒဏ်ခတ်အရေးယူခဲ့တာနဲ့ပတ်သက်လို့ အမေရိကန်နဲ့ ဆက်ဆံရေးမပြေမလည်ဖြစ်နေချိန်မှာ တရုတ်နဲ့ ကမ်ဘောဒီးယားဝန်ကြီးချုပ်တွေ ဆွေးနွေးပွဲကျင်းပခဲ့တာပါ။
တရုတ်သတင်းတွေအရဆိုရင်တော့ ကမ်ဘောဒီးယားကို အစစ အရာရာကူညီဖို့ တရုတ်အစိုးရက အသင့်ရှိနေတဲ့အကြောင်းနဲ့ အာဆီယံအလှဲ့ကျဥက္ကဌတာဝန်ယူပြီး ကျင်းပမယ့် အာရှ-ဥရောပ (ASEM) ထိပ်သီးဆွေးနွေးပွဲကို ကူညီထောက်ခံမယ့်အကြောင်း တရုတ်ဝန်ကြီးချုပ်က ပြောခဲ့တယ်ဆိုပါတယ်။
အာရှအရေးလေ့လာသူတွေကတော့ ” တရုတ်ကို နှစ်ရှည်ငှါးထားတယ်ဆိုတဲ့ ရေတပ်အခြေစိုက်စခန်းနဲ့” ပတ်သက်လို့ အမေရိကန်ရဲ့ဖိအားပေးတာခံနေရတဲ့ ကမ်ဘောဒီးယားကို တရုတ်က ပြန်တွန်းအားပေးတယ့်သဘောလို့သုံးသပ်ကြပါတယ်။ အစည်းအဝေးမှာ အာဏာလုမြန်မာစစ်ခေါင်းဆောင်ကို ထိပ်သီးအစည်းအဝေးတွေဖိတ်ကြားဖို့လည်း ဖိအားပေးကောင်း ပေးနိုင်တယ်လို့ ယူဆနေကြပါတယ်။
BNN
