၂၃ နိုဝင်ဘာ ၂၀၂၁
ဖိလစ်ပိုင်သင်္ဘော ၂စီးကို တရုတ်ရေတပ်က ပိတ်ဆို့ဟန့်တားခဲ့တဲ့ဖြစ်ရပ်ဟာ အင်မတန် ရွံရှာစရာကောင်းတဲ့ လုပ်ရပ်အဖြစ်ယူဆကြောင်း ဖိလစ်ပိုင်သမ္မတ ဒူတာတေးက နိုဝင်ဘာ ၂၂ ရက်နေ့က ကျင်းပတဲ့ တရုတ် အာဆီယံထိပ်သီးဆွေးနွေးပွဲမှာ ထဲ့သွင်းပြောလိုက်ပါတယ်။
တရုတ်သမ္မတကိုယ်တိုင်တက်ရောက်တဲ့ ထိပ်သီးဆွေးနွေးပွဲမှာ အကြမ်းတမ်းဆုံးစကားလုံးနဲ့ ရွေးချယ်ပြောခဲ့တာပါ။ အာဆီယံကို ကူညီမှုနဲ့ပတ်သက်လို့ အသိအမှတ်ပြုကျေးဇူးတင်ပေမယ့် ဒေသတွင်း ငြိမ်းချမ်းရေးနဲ့ တည်ငြိမ်ရေးကို တကယ်လိုချင်ရင် တရုတ်အနေနဲ့ ကုလသမဂ္ဂနဲ့ နိုင်ငံတကာတရားရုံးကသဘောတူဆုံးဖြတ်ထားတဲ့ဥပဒေအတိုင်း လက်နာကျင့်သုံးဖို့လိူမယ်လို့ လည်း ဒူတာတေးက ပြောပါတယ်။
တရုတ်နဲ့ဖိလစ်ပိုင်ကြားအငြင်းပွါးနေတဲ့ ရေပြင်နဲ့ ကျွန််းစုပိုင်ဆိုင်မှုပြသနာတွေမှာ နိုင်ငံတကာတရားရုံးက ဖိလစ်ပိုင်ကို အနိုင်ပေးထားတာပါ။
ပြီးခဲ့တဲ့ရက်ပိုင်းက ဖိလစ်ပိုင်ပိုင်ရေပြင်မှာ တရုတ်ကမ်းခြေစောင့်သင်္ဘောတွေက အရပ်ဖက်ဖိလစ်ပိုင်သင်္ဘော ၂ စီးက်ု ပိတ်ဆို့ဟန့်တားခဲ့ပါတယ်။ အဲဒီလို ဖြစ်ရပ်မျိုးထပ်မဖြစ်ဖို့လည်း ဒူတာတေးကပြောပါတယ်။
ဒူတာတေးဟာ တရုတ်အစိုးရနဲ့ အဆင်ပြေခဲ့တဲ့အာဆီယံခေါင်းဆောင်တဦးပါ။ တရုတ်အပေါ် ပြစ်တင်ဝေဖန်တာမလုပ်လို့ ဖိလစ်ပိုင်ပြည်သူတွေက တရုတ်ကြောက် သမ္မတအဖြစ် ခေါ်ဝေါ်ခံခဲ့ရသူပါ။ လွန်ခဲ့တဲ့ ၃ လ လောက်ကစပြီး ဒူတာတေးဟာ တရုတ်ကို ဝေဖန်ပြောဆိုတာတွေလုပ်လာခဲ့သလို မနေ့ကထိပ်သီးဆွေးနွေးပွဲမှာတာ့ တရုတ်သမ္မတကို တိုက်ရိုက် ဝေဖန်ကန့်ကွက်ခဲ့တာဖြစ်ပါတယ်။
BNN
