၇ နိုဝင်ဘာ ၂၀၂၁
အာဆီယံ ၄ နိုင်ငံခရီးစဥ်အဖြစ် သြစတေးလျှနိုင်ငံခြားရေးဝန်ကြီး Marise Payne ဟာ ဒီကနေ့ မလေးရှားကနေ ကမ်ဘောဒီးယားနိုင်ငံကိုရောက်ရှိလာပါတယ်။
ပထမဆုံးခရီးစဥ်အဖြစ် မနေ့က မလေးရှားကိုရောက်လာပြီး နိုင်ငံခြားရေးဝန်ကြီး Datuk Saifuddin Abdullah နဲ့ တွေ့ဆုံဆွေးနွေးခဲ့ရာမှာ ဒေသတွင်း လုံခြုံရေး စီးပွါးရေး ကျန်းမာရေးအပြင် မြန်မာ့အရေးကို ဦးစားပေးထဲ့သွင်းဆွေးနွေးခဲ့ကြပါတယ်။
ဒီလိုဆွေးနွေးရာမှာ အာဆီယံနဲ့သဘောတူထားတာတွေအမြန်ဆုံးအကောင်အထည်ဖေါ်လိုက်နာဖို့အာဏာသိမ်းစစ်တပ်ကို ထပ်မံတောင်းဆိုကြောင်း သြစတေးလျှနိုင်ငံခြားရေးဝန်ကြီးက ပြောပါတယ်။ သြစတေးလျှစီးပွါးရေးပညာရှင်အပါအဝင် ဖမ်းထားသူအားလုံးပြန်လွှတ်ပေးဖို့လည်း ၂ နိုင်ငံ နိုင်ငံခြားရေးဝန်ကြီးတွေက တောင်းဆိုထားပါတယ်။
မနက်ဖန်မှာ အာဆီယံအလှဲ့ကျဥက္ကဌ တာဝန်ယူထားတဲ့ ကမ်ဘောဒီးယားအစိုးရတာဝန်ရှိသူတွေနဲ့ဆွေးနွေးဖို့ရှိပါတယ်။ ကမ်ဘောဒီယားကတဆင့် ဗီယက်နမ်နဲ့ အင်ဒိုနီးရှားနိုင်ငံတွေကို ဆက်လက်ခရီးဆက်မယ်လို့ သတင်းထုတ်ပြန်ထားပါတယ်။
ဩစတေးလျှနိုင်ငံခြားရေးဝန်ကြီးရဲ့ခရီးစဥ်ဟာ အမေရိကန် ဗြိတိန်နဲ့ ဩစတေးလျှ ၃ နိုင်ငံဖွဲ့စည်းထားတဲ့ Aukus မဟာမိတ်အဖွဲ့နဲ့ပတ်သက်ပြီး အာဆီယံမဟာမိတ်နိုင်ငံတွေကို လိုက်လံရှင်းလင်းတင်ပြဖို့ အဓိက ဖြစ်တယ်လို့ သတင်းတွေက သုံးသပ်ဖေါ်ပြပါတယ်။
BNN
