၁၇ အောက်တိုဘာ ၂၀၂၁
ရုရှားနိုင်ငံရဲ့ စတုတ္ထ အကြီးဆုံး YEKATERINBURG မြို့မှာ အောက်တ်ုဘာ ၁၆ ရက်နေ့ညက တရားမဝင်အရက်အတုသောက်မိသူ အနည်းဆုံး လူ (၁၅) ဦးသေဆုံးခဲ့တယ်လို့ ရုရှားသတင်းတွေကဖေါ်ပြပါတယ်။
YEKATERINBURG မြို့ကုန်တိုက်မှာ တင်ရောင်းနေတဲ့ တရားမဝင်အရက်ဝယ်ယူသောက်သုံးခဲ့သူတွေ သေဆုံးခဲ့ရတာလို့ ရုရှားအာဏာပိုင်တွေကပြောပါတယ်။ စျေးပေါပေါနဲ့ တရားမဝင်ရောင်းချနေတဲ့အရက်တွေကြောင့် ရုရှားနိုင်ငံမှာ လူသေဆုံးမှုတွေမကြာခနဖြစ်နေတယ်ဆိုပါတယ်။
အခုလအတွင်းမှာကို အနည်းဆုံး လူ (၅၀) ခန့်သေဆုံးခဲ့ရပြီး တရားမဝင်အရက်အတုထုတ်လုပ်ရောင်းချနေသူထဲက (၂) ဦးကို ဖမ်းမိထားတယ်လို့ YEKATERINBURG မြို့ အာဏာပိုင်တွေကပြောပါတယ်။
အရက်အတုတွေဟာ နဲနဲသောက် များများမူးအောင်ဖန်တီးထားပြီး စျေးပေါပေါနဲ့ရောင်းချနေတာမို့ ဝယ်ယူသောက်သုံးသူများတယ်ဆိုပါတယ်။
ပိုမူးအောင်လုပ်ထားတဲ့အတွက် သောက်ပြီး နာရီပိုင်းမှာပဲ အစာအဆိပ်မိသလိုမျိုးဖြစ်ပြီး သေဆုံးကြရတာမို့ ရုရှား အာဏာ ပိုင်တွေအနေနဲ့ တရားမဝင် အရက်အတုတွေကို စစ်ဆင်ရေးတစ်ခုလို ရှာဖွေဖမ်းဆီးနေရတယ်လို့ ရုရှားသတင်းတွေမှာ သတိပေးဖော်ပြထားပါတယ်။
BNN / International
