၁၄/၃/၂၀၂၂
“အနောက်တိုင်း လူမှုကွန်ရက် ပလက်ဖေါင်းတွေကို ပိတ်ဖို့လုပ်ရတာဟာ သတင်းလွတ်လပ်ခွင့်ကို ပိတ်တာ မဟုတ်ပါဘူး။ ယူကရိန်းနိုင်ငံကို နာဇီစိတ်တွေ မျိုးချစ်စိတ်တွေ ၀င်လာအောင် မြှောက်ပင့်နေကြလို့ ပိတ်ရတာပါ။”
(ရုရှားနိုင်ငံခြားရေး၀န်ကြီးဌာန ပြောခွင့်ရအမျိုးသမီး)
“CNN နဲ့ အနောက်တိုင်းမီဒီယာတွေက စစ်ပွဲမဖြစ်ခင်ကတည်းက သတင်းမှားတွေ တောက်လျှောက် ထုတ်လွှင့်လာတာ။ သူတို့ရဲ့သတင်းမှားတွေကြောင့် စစ်ပွဲဖြစ်ရတာ။”
(RT ရုရှားအစိုးရသတင်းဌာန)
“အမေရိကန်သတင်းထောက် သေဆုံးတာနဲ့ ပြောရရင် ယူကရိန်းကို သူတို့လွှတ်တာ မဟုတ်သလို၊ သူတို့သတင်းထောက်လည်း မဟုတ်တော့ဘူးလို့ အမေရိကန် NYT သတင်းဌာနကိုယ်တိုင်က ပြောထားပါတယ်။ သူဟာ သတင်းထောက်မဟုတ်ပါဘူး။”
(ရုရှားနိုင်ငံခြားရေးဝန်ကြီးဌာန)
“ရုရှားထောက်လှမ်းရေး အကြီးအကဲတွေကို ဖမ်းထားတယ်ဆိုတာ ကျနော်မသိပါဘူး။ ထောက်လှမ်းရေးအဖွဲ့တွေက သူတို့အလုပ်သူတို့ လုပ်နေဆဲပါ။”
(ကရင်မလင် ပြောခွင့်ရပုဂ္ဂိုလ်)
“ကျနော်တို့အပေါ်ကို ပိတ်ဆို့ထားတဲ့နိုင်ငံတွေနဲ့ ကုမ္ပဏီတွေကို တခုပြောချင်တယ်။ ကျနော်တို့ ပေးစရာရှိတဲ့ အကြွေးတွေကို ရုရှားငွေနဲ့ပဲ ပေးနိုင်ပါမယ်။”
(ရုရှားဘဏ္ဍာရေး၀န်ကြီး)
“ယူကရိန်း နာဇီတပ်တွေဟာ ခွဲထွက်နိုင်ငံတွေက လူနေအိမ်တွေကိုသာမက ဆေးရုံတွေကိုပါ လက်နက်ကြီးတွေနဲ့ ပစ်ခတ်နေတာကို အမှုဖွင့် စုံစမ်းစစ်ဆေးနေတယ်။”
(ရုရှားရှေ့နေချုပ်)
“စစ်ဆန့်ကျင်လို့ဖမ်းတာ မဟုတ်ပါဘူး။ ခွင့်ပြုချက်မရဘဲ စီတန်းလှည့်လည်လို့ ဖမ်းဆီးတာဖြစ်ပါတယ်။”
(ရုရှားပြည်ထဲရေး၀န်ကြီး)
“ကိယက်ဗ်ကို ဝင်သိမ်းလို့ရပေမယ့် ပြည်သူတွေကို ထိမှာစိုးလို့ စောင့်ဆိုင်းနေတာဖြစ်ပါတယ်။ ကိယက်ဗ် နာဇီလက်သစ်တွေက ပြည်သူတွေကို လူသားဒိုင်းလို အသုံးပြုနေလို့ဖြစ်တယ်။”
(ရုရှားစစ်တပ် ပြောခွင့်ရပုဂ္ဂိုလ်)
