၁၆ သြဂုတ် ၂၀၂၁
စနေနေ့ သြဂုတ်လ ၁၄ ရက်နေ့က ပြင်းအားကြီးငလျင်လှုပ်ခတ်မှုကြောင့် ဟေတီနိုင်ငံမှာ အနည်းဆုံး လူ (၁၃၀၀) နီးပါးသေဆုံးပြီး(၃၀၀၀) နီးပါး ဒဏ်ရာရခဲ့တယ်လို့ ဟေတီအစိုးရက သတင်းထုတ်ပြန်ပါတယ်။
အိမ်ခြေ (၁) သောင်းကျော်ပျက်စီးဆုံးရှုံးခဲ့ပြီး ဆက်သွယ်ရေးလမ်းကြောင်းတော်တော်များများ ပြတ်တောက်ခဲ့ရပါတယ်။ သြဂုတ်လ ၁၆ ရက်နေ့ ဒီကနေ့ညပိုင်းမှာ လေပြင်းမုန်တိုင်းဝင်ရောက်တိုက်ခိုက်ဦးမယ်ဆိုတဲ့သတိပေးချက်ကြောင့် ကူညီကယ်ဆယ်ရေးတွေ သေချာမလုပ်နိုင်သေးဘူးဆိုပါတယ်။
၂၀၁၀ ခုနှစ် တုန်းကလည်း ဟေတီနိုင်ငံမှာ ငလျင်လှုပ်ခတ်မှုကြောင့် လူ (၉) သောင်းနီးပါးသေဆုံးခဲ့ရပါသေးတယ်။ လောလောဆယ်မှာကို ဟေတီဟာ ကိုဗစ်ကူးစက်သေဆုံးမှုမြင့်တက်နေတာတွေ သမ္မတ Jovenel Moïse လုပ်ကြံခံရမှုတွေစတဲ့ ကပ်ဘေး နိုင်ငံရေးဘေး မျိုးစုံရင်ဆိုင်နေရချိန်လည်းဖြစ်ပါတယ်။
ဒီကနေ့ညဝင်ရောက်တိုက်ခိုက်ဖို့ရှိနေတဲ့ မိုးသက်မုန်တိုင်းသဘာဝကပ်ဘေးမှာ ဘာတွေဆုံးရှုံးပျက်စီးဦးမယ်ဆိုတာ မသိနိုင်သေးဘူးလို့ ဟေတီအရေးပေါ်ကူညီကယ်ဆယ်ရေးအဖွဲ့က သတိပေးပြောထားပါတယ်။
BNN/International News
