၈ အောက်တိုဘာ ၂၀၂၁
တောင်တရုတ်ပင်လယ်မှာ တာဝန်ကျနေတဲ့ အမေရိကန်ရေတပ်က နျုကလီးယားသုံးရေငုပ်သင်္ဘော USS Connecticut ဟာ အောက်တိုဘာ ၂ ရက်နေ့က ရေအောက်အရာတခုနဲ့တိုက်မိပြီး အနည်းငယ်ပျက်စီးခဲ့တယ်လို့ အမေရိကန်ရေတပ်က ဒီကနေ့ သတင်းထုတ်ပြန်ထားပါတယ်။
လေ့ကျင့်ရေးတာဝန်ပြီးလို့ တောင်တရုတ်ပင်လယ်ကနေ ဂွမ်ကျွန်းကို အပြန်မှာ ရေအောက်အရာတခုနဲ့တိုက်မိတာလို့ အမေရိကန်သတင်းတွေကဆိုပါတယ်။ ရေတပ်သား (၁၁) ဦး ဒဏ်ရာ အနည်းငယ်ရခဲ့တာကလွဲလို့ သင်္ဘောပျက်စီးမှုမရှိဘူးလို့ ရေတပ်ပြောခွင့်ရပုဂိုလ်တွေက ပြောပါတယ်။ ဘာအရာနဲ့တိုက်မိတယ်ဆိုတာတော့ စုံစမ်းစစ်ဆေးနေဆဲလို့ အမေရိကန်ရေတပ်က ဆိုပါတယ်။
ရေအောက်အရာတခုနဲ့တိုက်မိခဲ့တယ်ဆိုတဲ့နေရာဟာ စစ်ရေးဟန်ပြနေကြတဲ့ တောင်တရုတ်ပင်လယ်မှာဖြစ်သလို တရုတ်စစ်လေယာဉ်တွေက တိုင်ဝမ်ကို ခြိမ်းခြောက်နေချိန်နဲ့တိုက်ဆိုင်နေတာမို့ နိုင်ငံတကာက စိတ်ဝင်စားနေကြပါတယ်။
BNN
