ဆူဒန်နိုင်ငံတွင် ပြန်လည်ကျင်းပမည့်ရွေးကောက်ပွဲအပြီး အနိုင်ရသူအား အာဏာလွှဲပြောင်းပေးပြီးပါက နိင်ငံရေးတွင် ဆက်လက်ပါဝင်ပတ်သက်တော့မည်မဟုတ်ကြောင်း ဆူဒန် အာဏာသိမ်းခေါင်းဆောင် ဗိုလ်ချုပ်ကြီး အယ်လ်ဘားဟန်းက ပြောကြားသည်။
၎င်းအနေဖြင့် ၂၀၂၃ ခုနှစ် ဇူလိုင်လမှာ ရွေးကောက်ပွဲကျင်းပပြီး အနိုင်ရသူကို အာဏာလွှဲပေးမည်ဖြစ်ကြောင်း၊ တိုင်းပြည်သည် ပြည်တွင်းစစ်ဖြစ်ဖို့ဦးတည်လာခြင်းကြောင့် စစ်တပ်က မလွှဲမရှောင်သာသော အခြေအနေအရ အာဏာသိမ်းခဲ့ရခြင်းဖြစ်ကြောင်း ၎င်းကဆိုသည်။
တိုင်းပြည်တည်ငြိမ်ရေးအတွက် ဖြစ်နိုင်ခြေရှိသည့်နည်းလမ်းအားလုံးကို အသုံးပြုပြီး ကြိုးပမ်းသွားမည်ဖြစ်ကြောင်း၊ အာဏာသိမ်းမှုကိုဆန့်ကျင်သည့်ဆန္ဒပြပွဲမှုများကို ပစ်ခတ်နှိမ်နှင်း၍ အသက်သေဆုံးခဲ့ရမှုတွင် စစ်တပ်၌တာဝန်မရှိကြောင်းလည်း ၎င်းကပြောသည်။
ဆူဒန်နိုင်ငံသည် ၂၀၁၉ ခုနှစ်တွင် အာဏာရှင်သမ္မတ ဘာရှားကိုဖြုတ်ချပြီး စစ်တပ်နှင့် အရပ်သားများက အာဏာခွဲဝေယူပြီး ကြားကာလအစိုးရတရပ်ဖြင့်အုပ်ချုပ်စဉ် ပြီးခဲ့သည့် စက်တင်ဘာ၂၁ ရက်တွင် မအောင်မြင်သည့်အာဏာသိမ်းမှုတခုဖြစ်ပေါ်ခဲ့သေးပြီး အောက်တိုဘာ ၂၅ ရက်တွင် ဗိုလ်ချုပ် အယ်လ်ဘားဟန်းက အာဏာသိမ်းနိုင်ခဲ့သည်။
Ref ; Al Jazeera
