ပြန်လည်စုရုံး နှစ်ခြောက်လုံး နှင့် ပြည်သူညီသည့် နေ့ တစ်နေ့

ယနေ့ ဖေဖေါ်ဝါရီ ၂၂ ရက်နေ့ သည် ၂၀၂၂ ခုနှစ် အတွင်း ၂ ဂဏန်း ၆ လုံးဆုံသည့် နေ့ထူး တစ်ရက်လည်းဖြစ်သည်။ ယနေ့တွင် မြန်မာနိုင်ငံ ဒေသအနှံ့အပြားမှ ပြည်သူများ ၊ ပြည်သူ့ ဘက်တော်သား PDF တပ်ဖွဲ့များ က မိမိတို့ သက်ဆိုင်ရာ ဒေသအသီးသီးတွင် စစ်အာဏာရှင် အပြီးတိုင်ကျဆုံးရေးအတွက် ဆန္ဒထုတ်ဖော် ခဲ့ကြသည်။

ရန်ကုန် ၊ မန္တလေး ၊ စစ်ကိုင်းတိုင်းအတွင်းရှိ ဒေသများ ၊ အခြားအမြို့မြို့အနယ်နယ်မှ ပြည်သူများ က နှစ် ခြောက်လုံးဆုံသည့် ယနေ့တွင် ပြန်လည်စုရုံး နှစ်ခြောက်လုံး ၊ စစ်အာဏာရှင်ကျဆုံးရေး ၊ ဖက်ဆစ်စစ်တပ် အမြစ်ပြတ်ရေး ၊ အစရှိသည့် ကြွေးကြော်သံများ ဖြင့် ညီညွတ်စွာ ဆန္ဒထုတ်ဖော်ခဲ့ကြသည်။

ဆန္ဒထုတ်ဖော်သည့် ပြည်သူများ သည် ပါးတွင်သနပ်ခါး ၊ ခေါင်းတွင်ခမောက် ၊ နှင်းဆီးပန်းနီနီ တို့ကို အချို့က ကိုင်ဆောင်၍ အချို့က ပန်ဆင်၍ တူညီစွာ ဆန္ဒထုတ်ဖော်ခဲ့ကြသည်။ ဒီပဲ ယင်း ၊ မြိုင် ၊ လက်ပံတောင်း အစရှိသည့်ဒေသများတွင်လည်း ဒေသခံ PDF များ က ပြည်သူများကို ဝန်းရံကာ ဆန္ဒထုတ်ဖော်ခဲ့ကြသည်ကို တွေ့ရသည်။

တောတွင်း မှ နေ၍လည်း ပြည်သူ့ ဘက်တော်သား PDF အဖွဲ့ များ ဖြစ်သည့် ရေစကြို ဒေါင်းညီနောင် PDF ၊ YDF Htilin တပ်ရင်း ၃ တပ်ဖွဲ့ဝင်များ စစ်အာဏာရှင်ဆန့်ကျင်ရေး နှစ်ခြောက်လုံး တောတွင်းသပိတ်ပြုလုပ် ဆန္ဒပြ ခဲ့ကြသည်။

တိုင်းပြည်အာဏာကို မတရားသော နည်းလမ်းဖြင့် သိမ်းယူထားသော စစ်အာဏာရှင် အုပ်စု အမြန်ဆုံးကျဆုံးပါစေကြောင်း ဆန္ဒပြ ပြည်သူများက တညီတစ်ညွတ်တည်း ဆုံးဖြတ်ထားကြပြီဖြစ်သည်။

**** အရေးတော်ပုံ အောင်နေပြီ ****