ကနီ၊ ဇန်နဝါရီ ၁၁
စစ်ကိုင်းတိုင်း၊ ကနီမြို့နယ်မှာ မနေ့နေ့လည်လောက်ကစပြီး စစ်ကောင်စီစစ်ကြောင်းကို DRPA က တိုက်ခိုက်ခဲ့လို့ စစ်ကောင်စီတွေသေဆုံးပြီး အများအပြားဒဏ်ရာရရှိခဲ့တယ်လို့ ဒေသခံတဦးက ပြောပါတယ်။
မနေ့ကနေ့လည် ၁၂ နာရီလောက်မှာ စစ်ကြောင်းထွက်လာတဲ့စစ်ကောင်စီက်ို အလယ်ကျွန်းရွာအနီးအရောက်မှာ အာဏာရှင်တော်လှန်ရေး ပြည်သူ့တပ်မတော် DRPA က မိုင်းဆွဲတိုက်ခိုက်လို့ စစ်ကောင်စီ ၂ ဦးနဲ့ ပျူစောထီး ၂ ဦး သေဆုံးပြီး စစ်ကောင်စီ ၅ ဦးလောက်ဒဏ်ရာရရှိသွားလို့ အဲဒီသူတွေကို နေ့လည် ၃ နာရီလောက်မှာလှည်းနဲ့ ကနီမြို့ပေါ် သွားပို့တာကို DRPA က လက်လုပ်လက်နက်ကြီးနဲ့ လမ်းကဖြတ်တိုက် တဲ့အတွက် စစ်ကောင်စီ ၂ ယောက် သေတဲ့အပြင် ၄ ဦးထပ်မံဒဏ်ရာရရှိခဲ့တယ်လို့ သိရပါတယ်။
“ စုစုပေါင်းသေတာက စစ်ခွေး ၄ ကောင်နဲ့ ပျူ ၂ ကောင်သေတယ်။ စစ်ခွေး ၉ ကောင်လည်းဒဏ်ရာတွေရသွားတယ်။ သေတဲ့ ၄ ကောင်ထဲက တကောင်က စစ်ခွေးအရာခံဗိုလ်” လို့ DRPA ရဲ့ တာဝန်ရှိသူတဦးက ပြောပါတယ်။
ဇန်နဝါရီ ၈ ရက်နေ့ ည ၁၂ လောက်ကလည်း ကနီမြို့ပေါ်မှာ ကင်းလှည့်နေတဲ့ စစ်ကောင်စီတွေကို DRPA က ပစ်ခတ်တိုက်ခိုက်ခဲ့ရာ စစ်ကောင်စီ ၂ ဦးသေပြီး ၅ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
MyayLattVoice
