အမျိုးသား ညီညွတ်ရေး အစိုးရ (NUG) ၏ ပြည်သူ့ကာကွယ်ရေး တပ်မတော်၊ တောင်ပိုင်းတိုင်း စစ်ဌာနချုပ် UNITY PDF စခန်း အပတ်စဉ် (၂) သင်တန်းဆင်းပွဲ အခမ်းအနားကို ယနေ့ နိုဝင်ဘာ ၁၃ ရက်နေ့တွင် ပြုလုပ်သည်။
သင်တန်းဆင်းပွဲ အခမ်းအနားသို့ NUG ၏ အလုပ်သမားဝန်ကြီးဌာန ဒုတိယဝန်ကြီး ဦးကျော်နီ၊ တောင်ပိုင်းတိုင်း စစ်ဌာနချုပ် သင်တန်းရေးရာ တာဝန်ခံ ဦးကောင်းကျော်နှင့် လွှတ်တော် ကိုယ်စားလှယ် အချို့ တက်ရောက်သည်။
သင်တန်းဆင်းပွဲ အခမ်းအနားတွင်ကာကွယ်ရေးဝန်ကြီး ဦးရည်မွန်က ပေးပို့သည့် သဝဏ်လွှာကို တောင်ပိုင်းတိုင်း စစ်ဌာနချုပ် သင်တန်းရေးရာ တာဝန်ခံ ဦးကောင်းကျော်က ဖတ်ကြားသည်။
“ ကျွန်တော်တို့ စခန်းကတော့ NUG ရဲ့ ညွှန်ကြားမှုအတိုင်း ဆောင်ရွက်နေတဲ့ စခန်းတစ်ခုဖြစ်ပြီး တော်လှန်ရေး အဆင့် ငါးဆင့်ရဲ့ စုဖွဲ့မှု အဆင့်မှာ ရှိပါတယ်။ အခုချိန်မှာတော့ အလှူရှင်တွေရဲ့ ကူညီ ထောက်ပံ့မှုနဲ့ လုပ်ဆောင်နေတာတွေ ရှိပါတယ်။ လက်နက်အချို့လည်း တပ်ဆင်ထားပြီပါပြီ။ NUG ရဲ့ ကူညီထောက်ပံ့မှုတွေလည်း မကြာခင် ရရှိတော့မှာမို့ တော်လှန်ရေးရဲ့ မြို့သိမ်းတိုက်ပွဲတွေ အတွက် ကျွန်တော်တို့ ကြိုတင် ပြင်ဆင်နေပါပြီ” ဟု UNITY PDF စခန်းတာဝန်ရှိသူ တစ်ဦးက ပြောသည်။
Source : Unity and Mizzima
