ရမည်းသင်း | ဇန်နဝါရီ ၂ |
ဒီမိုကရေစီ အစိုးရအုပ်ချုပ်ခဲ့တဲ့ နှစ်တွေမှာ နိုင်ငံတော် အတိုင်ပင်ခံ ပုဂ္ဂိုလ်အနားမှာ နေပြီး အနီးကပ် စောင့်ရှောက်ပေးကြတဲ့သူတွေထဲမှာ လူသိများပြီး ထင်ရှားသူက တော့ ဒုရဲအုပ် ချယ်ရီထက် ပဲ ဖြစ်ပါတယ်။
စစ်ကောင်စီဟာ အာဏာသိမ်းပြီး ဒုရဲအုပ် ချယ်ရီထက်ကိုပါ ဖမ်းဆီးထားခဲ့တာပါ ။ အခုအခါမှာတော့ သူမကို ရမည်းသည်း အကျဉ်းထောင်ကို ပို့ဆောင်လိုက်ပြီလို့သတင်းများအရသိရပါတယ်။
ဒုရဲအုပ် ချယ်ရီထက်ကို ရဲတပ်ဖွဲ့စည်းကမ်းထိန်းသိမ်းရေး ဥပဒေအရ ထောင်ဒဏ် (၃) နှစ်ချထားသည်ဟု သိရပြီး ဖမ်းဆီးစဉ်က အမှုဖွင့်ခံရသည့် ပုဒ်မ ၅၀၅ (က) ကိုမူ လက်ရှိအချိန်ထိ တရားရင်ဆိုင်နေရဆဲ လို့ သိရပါတယ်။
အမျိုးသားညီညွတ်ရေးအစိုးရ အဖွဲ့ဝင်အချို့နှင့် ဆက်သွယ်ခဲ့မှုကြောင့် ဒုရဲအုပ် ချယ်ရီထက်ကို ဖမ်းဆီးခဲ့ခြင်းဖြစ်သည်ဟု စစ်ကောင်စီပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက စက်တင်ဘာ ၂၆ တွင် ပြောဆိုခဲ့သည်။
သတင်း – ဂျီကေ /BNN
