၂၃ ဩဂုတ် ၂၀၂၁
စစ်ကိုင်းတိုင်းဒီပဲယင်းမြို့နယ်ထဲက ကျေးရွာတွေကို စစ်ကောင်စီတပ်က CDMပြုလုပ်တဲ့ ပြည်သူ့စစ်သားတွေလိုက်ရှာရင်း ၀င်မွှေနေတဲ့အတွက်ဒေသခံတောင်သူတွေကလယ်ယာလုပ်ငန်းခွင်ကို စွန့်ခွာပြီး ထွက်ပြေးတိမ်းရှောင်နေရပါတယ်။
မဲအိုး၊ လက်ယက်ကုန်း၊ ညောင်လှ၊ ဝဲကြီး၊ မူးရိုးကုန်း၊ တည်တော စတဲ့ကျေးရွာ (၁၀) ရွာ၀န်းကျင်ကို ပြီးခဲ့တဲ့(၅)ရက်လောက်ကစပြီး ၀င်ရောက်မွှေနှောက်ခဲ့သလို ဒီကနေ့
ဩဂုတ်လ(၂၃)ရက်နေ့မှာလည်းယဉ် ကျေးရွာကို ၀င်မွှေနေတယ်လို့ ဒေသခံတစ်ယောက်က ပြောပါတယ်။
“ ကျုပ်တို့နယ်ကို ၀င်မွှေနေတာ(၅)ရက်လောက်ရှိပြီ။CDMလုပ်တဲ့ စစ်သားတွေကိုလိုက်ရှာတယ်လို့ကြားတာပဲ။ဒေသခံတွေကတော့ စပါးမစိုက်နိုင်ဘဲ ပြေးနေရတယ်”
လို့ ဒီပဲယင်းနယ်ခံတစ်ယောက်က ပြောပါတယ်။
ဒီပဲယင်းနယ်ဟာ တောင်သူလုပ်ငန်းကို အဓိကလုပ်ကိုင်တာဖြစ်ပြီး အခုအချိန်က မိုးစပါးစိုက်ပျိုးချိန်ဖြစ်ပါတယ်။စစ်ကောင်စီတပ်တွေကအခုလို ၀င်ရောက် မွှေနှောက်
ပြီး လုယူဖျက်စီးတာ၊ဖမ်းဆီးနှိပ်စက်တာနဲ့ မထင်ရင် ပစ်သတ်တွေရှိနေတာကြောင့် လုပ်ငန်းခွင်ကိုစွန့်ပြီး ထွက်ပြေးတိမ်းရှောင်နေကြရတာဖြစ်ပါတယ်။
photo# CJ
