၂ အောက်တိုဘာ ၂၀၂၁
မြန်မာနိုင်ငံကူးလက်မှတ် Passport သက်တမ်းတိုးခ အဖြစ် အရင်ကစျေးနုံးထက် ၂ ဆ နီးပါးတောင်းခံနေကြောင်း ထိုင်းနိုင်ငံမှာ အလုပ်လုပ်ကိုင်နေသူတွေကပြောပါတယ်။
ဘန်ကောက်မြန်မာသံရုံးကို ကိုယ်တိုင်သွားရောက်ပြီး Passport သက်တမ်းသွားတိုးသူတွေအပြောအရ အရင်က ဘတ် ၈၀၀ ပဲပေးရပေမယ့် အခု ဘတ် ၁၅၀၀ ပေးခဲ့ရကြောင်းပြောပါတယ်။
တရားဝင်သတ်မှတ်ထားတဲ့နူံးဖြစ်တဲ့ ဘတ် ၈၀၀ ကို မပြောင်းလဲပေမယ့် သံရုံးအတွက် နေ့စဉ်လိုအပ်တဲ့ ပစ္စည်းတွေဝယ်ယူဖို့ အပို ဘတ်ငွေ ၇၀၀ တောင်းခံတာဖြစ်တယ်လို့ ဘန်ကောက်မြန်မာသံရုံးက အမည်မဖေါ်လိုသူ သံဝန်ထမ်းတဦးကပြောပါတယ်။ အခုလို ကောက်ခံဖို့ သံအမတ်ကြီးကိုယ်တိုင်က ညွှန်ကြားထားတာလို့ အဆိုပါဝန်ထမ်းကပြောပါတယ်။
သူ့ပြောပြချက်နဲ့ပတ်သက်လို့ ဘန်ကောက် မြန်မာသံအမတ်ကို ဆက်သွယ်မေးမြန်းအတည်ပြုဖို့ ကျိုးစားပေမယ့် ရုံးပိတ်ရက်ဖြစ်တဲ့အတွက်အဆက်အသွယ်မရသေးပါဘူး။
