ပခုက္ကူ၊ ဇန်နဝါရီ ၆
မကွေးတိုင်းဒေသကြီး ပခုက္ကူမြို့နယ်ရှိ မြို့ရှောင်လမ်းပေါ်က ခြံတစ်ခြံတွင် ရဲ အစောင့်အကြပ်ဖြင့်ပြုလုပ်နေသည့် လောင်းကစားဝိုင်းကို မနေ့က ဝင်ရောက် စီးနင်းဖမ်းဆီးခဲ့ကြောင်း ဒေသခံ Earthquake People’s Defence Force က ယနေ့တွင် သတင်းထုတ်ပြန်ခဲ့သည်။
ပခုက္ကူမြို့၊ မြို့ရှောင်လမ်း ခြံတခြံတွင် ရဲနှင့် လုံခြုံရေးယူဆောင်၍ (တိုင်းမှူး) အပါအဝင် လောင်းကစား ပြုလုပ်နေကြောင်း တိုင်တန်းလာ၍ ဝင်ရောက် ဖမ်းဆီး ခဲ့ကြောင်း Earthquake People’s Defence Force အဖွဲ့ထံက သိရသည်။
ထိုလောင်းကစားဝိုင်းကို စစ်ကောင်စီတပ်ဖွဲ့မှ အရာရှိ၏ ရဲအစောင့်ဖြင့် ပြုလုပ်နေခြင်းဖြစ်ပြီး Young Force UG နှင့် Earthquake People’s Defence Force ပူးပေါင်းအဖွဲ့က ယမန်နေ့ညနေ သုံးနာရီအချိန်တွင် ဖမ်းဆီးခဲ့ခြင်းဖြစ်ကြောင်း ထုတ်ပြန်ချက်ကဆိုသည်။
သတင်းများအရ ဇန်နဝါရီလ ၅ ရက်နေ့ ၃ နာရီက PDF ၂ ဖွဲ့ပူးပေါင်း၍ ဝင်ရောက်စီးနင်းဖမ်းဆီးခဲ့ ခြင်းဖြစ်ပြီး လူများလွတ်မြောက်သွားသော်လည်း ငွေနှင့် ပစ္စည်းများ သိးမ်ဆည်းရမိိခဲ့ကြောင်း သိရသည်။
ဝင်ရောက်ဖမ်းဆီးစဉ် လောင်ကစားဝိုင်းမှ ငွေကျပ် ၂၆ သိန်းခန့် သိမ်းဆည်းရရှိခဲ့ပြီး တော်လှန်ရေးအဖွဲ့အစည်းများအတွက် အသုံးပြုသွားမည်ဟု ယင်းထုတ်ပြန်ချက်ကဆိုသည်။
“ အဲဒီလောင်းကစားဝိုင်းကို သတင်းထောက်နေတာကြာပါပြီ၊ စစ်ခွေးတွေကော ရဲခွေးတွေကော ကင်းစောင့်ပေးတာလည်းကြားထားတယ်၊ မနေ့က ရဲ ၁ ယောက်ပါ သုတ်သင်ခဲ့ဖို့ပါပဲ၊ မသေချာဘူးလို့ သတင်းပေးတဲ့လူကပြောလို့ မလုပ်ခဲ့ ရတာဗျာ၊ တိုင်းပြည် ချောက်ထဲ ကျနေချိန်မှာလောင်းကစားဝိုင်းတွေ ပြုလုပ်ခြင်းအား ကျနော်တို့အနေနဲ့ (လုံးဝ)လက်ခံမှာမဟုတ်ဘူး ရဲကလွဲပြီး ကျန်တဲ့သူတွေကို ထိခိုက်စေလိုတဲ့ရည်ရွယ်ချက်မရှိပါဘူး” ဟု EPDF တာဝန်ခံ က ပြောကြားထားသည်။
ယခင်ကလည်း လောင်းကစားဝိုင်းတဝိုင်းကို ဖမ်းဆီးခဲ့ပြီး ယခုတကြိမ်ဖမ်းဆီး ရမိမှုတွင် ငွေ ၂၆ သိန်းနဲ့ ကားသော့များ သိမ်းဆည်းရမိပြီး ရဲဘော်များ အနေ ဖြင့် ဘေးကင်းရာဌာနချုပ်များဆီသို့ ပြန်လည်ရောက်ရှိ ပြီဖြစ်ကြောင်း သိရသည်။
MyayLattVoice
