၂၈ ဖေဖေါ်ဝါရီ
ရုရှား သဘာဝပတ်ဝန်းကျင်နဲ့ ရာသီဥတုထိမ်းသိမ်းရေး သိပ္ပံပညာရှင် Oleg Anisimov ကို ရာထူးကဖြုတ်ပြီး ဖမ်းဆီးထောင်ချဖို့ ပူတင်ရဲ့ပါတီက လွှတ်တော်အမတ်တဦးက ဒီကနေ့ တောင်းဆိုလိုက်ပါတယ်။
မနေ့က ကျင်းပတဲ့ နိုင်ငံတကာ ရာသီဥတုပြောင်းလဲမှုဆိုင်ရာဆွေးနွေးပွဲမှာ ရုရှားအဖွဲ့ခေါင်းဆောင် ပညာရှင် Oleg Anisimov က ယူကရိန်းအဖွဲ့ခေါင်းဆောင် Ms Svitlana Krakovska ကို မတရားကျုးကျော်စစ်နဲ့ပတ်သက်လို့ ရုရှားပြည်သူတွေကိုယ်စားတောင်းပန်စကားပြောခဲ့တာပါ။ အဲဒီလိုတောင်းပန်စကားပြောတာဟာ သမ္မတပူတင်ရဲ့ အမိန့်ကို ချိုးဖေါက်တာဖြစ်လို့ နိုင်ငံတော်သစ္စာဖေါက်ဖျက်မှုနဲ့ တရားစွဲရမယ်လို့ ပူတင်ရဲ့ပါတီက လွှတ်တော်အမတ်ဖြစ်သူ Viktor Vodolatsky က တောင်းဆိုလိုက်တာဖြစ်ပါတယ်။
ရုရှားမှာ ယူကရိန်းကျုးကျော်စစ်ကို ဝေဖန်ဆန္ဒပြသူ (၃) ထောင်နီးပါးဖမ်းဆီးခံထားရပါတယ်။
