၁၅/၃/၂၀၂၂
ရုရှားအစိုးရဝါဒဖြန့်သတင်းတွေထုတ်လွှင့်ပေးနေတဲ့ သတင်းဌာနတွေက နာမည်ကြီးသတင်းတင်ဆက်သူတွေ အယ်ဒီတာတွေ ရာထူးတွေကနေ အပြိုင်အဆိုင်နုတ်ထွက်နေကြတယ်လို့ မော်စကိုလွတ်လပ်တဲ့ သတင်းဌာနတွေက ပြောပါတယ်။ အစိုးရအာဘော်တွေ စီစဥ်ထုတ်လွှင့်တဲ့ NTV ရုပ်သံသတင်းဌာနက နာမည်ကြီး အစီအစဥ်တင်ဆက်သူ Lilia Gildeyeva ဟာ ဒီကနေ့ ရုရှားကနေ တူရကီကို ရိုက်ကူးရေးအစီအစဥ်နဲ့ ထွက်ခွါခဲ့ပြီး တူရကီအရောက်မှာ အလုပ်ကနုတ်ထွက်ကြောင်းနဲ့ ပြန်လာတော့မှာမဟုတ်ကြောင်း NTV ဘုတ်ဒါရိုက်တာအဖွဲ့ကို အကြောင်းကြားခဲ့တယ်ဆိုပါတယ်။
Lilia Gildeyeva ဟာ ၂၀၀၆ ခုနှစ်ကတည်းက NTV ရုပ်သံသတင်းဌာနမှာ သတင်းစီစဥ်တင်ဆက်သူအဖြစ်တာ၀န်ယူခဲ့ပြီး မနှစ်က သမ္မတပူတင်ရဲ့ သတင်းသူရဲကောင်းဆု ချီးမြှင့်ခံထားရသူဖြစ်ပါတယ်။
Lilia Gildeyeva ရဲ့ နုတ်ထွက်လွှာမှာ ယူကရိန်းကို ကျူးကျော်တိုက်ခိုက်မှုအပေါ် သဘောမတူနိုင်သလို သတင်းမှားတွေ အစိုးရထုတ်ပြန်ခိုင်းတဲ့သတင်းတွေကို တင်ဆက်နေရတာ ပြည်သူအပေါ် သစ္စာဖေါက်ရာကျလွန်းနေတဲ့အတွက် အလုပ်ကနုတ်ထွက်တာလို့ ဖေါ်ပြထားပါတယ်။
အလားတူ NTV အပါအ၀င် တခြားအစိုးရအာဘော်တွေထုတ်လွှင့်နေတဲ့သတင်းဌာနတွေက နာမည်ကြီးသတင်းတင်ဆက်သူတွေ အယ်ဒီတာတွေလည်း နုတ်ထွက်လွှာတွေတင်ထားကြတယ်လို့ သိရပါတယ်။
ဆက်စပ်သတင်းများ
https://fb.watch/bMW8uC7Hn-/
