၁၄/၃/၂၀၂၂
စစ်လက်နက်တချို့နဲ့ စီးပွါးရေးအကူအညီပေးဖို့ တရုတ်ကို ရုရှားကအကူအညီတောင်းခဲ့ကြောင်း အမေရိကန်အစိုးရတာဝန်ရှိသူတွေပြောပြချက်ကို ကိုးကားပြီး Financial Times သတင်းက ဖေါ်ပြပါတယ်။
ကျုးကျော်စစ် သီတင်းသုံးပတ်ထဲ ရောက်လာချိန်မှာ စစ်လက်နက်တချို့ နည်းပါးလာနေတဲ့အတွက် ရုရှားက အကူအညီတောင်းတာလို့ဆိုပါတယ်။ ဘယ်လို လက်နက်တွေ လိုနေတယ်ဆိုတာကိုတော့ အမေရိကန်တာဝန်ရှိသူတွေက ထုတ်ဖေါ်ပြောဆိုခြင်းမရှိဘူးလို့ ဆိုပါတယ်။
တရုတ်အနေနဲ့ ရုရှားကို စစ်လက်နက်ထောက်ပံ့ဖို့ စဉ်းစားကောင်းစဉ်းစားနိုင်တာမို့ အနောက်မဟာမိတ်နိုင်ငံတွေကို သတိပေးထားတယ်လို့လည်း သတင်းမှာ ဖေါ်ပြပါတယ်။ တရုတ်အစိုးရဟာ ရုရှားရဲ့ သတင်းမှားဖြန့်ချီရေးလုပ်ငန်းမှာ ပူးပေါင်းပါဝင်နေတယ်လို့လည်း အမေရိကန်ကယုံကြည်ထားတယ်ဆိုပါတယ်။
မနက်ဖန် အီတလီနိုင်ငံရောမမှာကျင်းပမယ့် အမေရိကန်-တရုတ်အဆင့်မြင့်ကိုယ်စားလှယ်ဆွေးနွေးပွဲမှာ ရုရှားကို မကူညီဖို့ ထပ်မံသတိပေးမယ်လို့ အမေရိကန်အမျိုးသားလုံခြုံရေးအကြံပေးပုဂ္ဂိုလ်က ပြောထားပါတယ်။
Financial Times
