၁၈ နို၀င်ဘာ ၂၀၂၁
ရှေ့နှစ်ထဲမှာ တရုတ်မှာကျင်းပမယ့် ဆောင်းရာသီအိုလံပစ်ပွဲတော်ကို သံတမန်သပိတ်မှောက်ဖို့ မကြာခင်မှာ ကြေညာဖို့ရှိတယ်လို့ အိမ်ဖြူတော်သတင်းအရင်းအမြစ်တွေကို ကိုးကားပြီး နိုင်ငံတကာသတင်းတွေမှာ ဖေါ်ပြထားပါတယ်။
တရုတ်သမ္မတ Xi Jinping နဲ့ ဆွေးနွေးချိန်မှာ အိုလံပစ်ပွဲတော်နဲ့ပတ်သက်လို့ တစုံတရာ ဆွေးနွေးခဲ့တာမရှိဘူးဆိုပါတယ်။ တရုတ်အစိုးရရဲ့ လူ့အခွင့်အရေးချိူးဖေါက်မှုတွေကို ဆန့်ကျင်တဲ့အနေနဲ့ အမေရိကန်အပါအ၀င် နိုင်ငံတကာက ဆောင်းရာသီ အိုလံပစ်ပွဲတော်ကို သံတမန်တွေ မတက်ရောက်ပဲ သပိတ်မှောက်ဖို့ လူ့အခွင့်အရေးအဖွဲ့တွေအပါအ၀င် အမေရိကန်လွှတ်တော်အမတ်တွေက တောင်းဆိုဖိအားပေးနေတာကြာပြီဖြစ်ပါတယ်။
အမေရိကန်အစိုးရကို ကိုယ်စားပြုသူမတက်ရောက်ဘူးဆိုတဲ့ နောက်ဆုံးအဆင့် ဆုံးဖြတ်ချက်ဟာ သမ္မတ ဘိုင်ဒန်လက်ထဲရောက်နေပြီဆိုပါတယ်။ အမေရိကန်လွှတ်တော်အမတ်တချိူ့ကတော့ အမေရိကန်အားကစားအဖွဲ့ကိုပါ မစေလွှတ်ပဲ သပိတ်မှောက်ဖို့ တောင်းဆိုထားပါတယ်။
အနောက်နိုင်ငံအများစုကလည်း တရုတ်ဆောင်းရာသီအိုလံပစ်ပွဲတော်ကို သံတမန်သပိတ်မှောက်ဖို့ ပြင်ဆင်နေတာတွေရှိသလို အမေရိကန်ရဲ့ ဆုံးဖြတ်ချက်ကို စောင့်ကြည့်နေကြတဲ့သဘောလို့ သတင်းတွေမှာ ဖေါ်ပြထားပါတယ်။ ပြီးခဲ့တဲ့လက တရုတ်နိုင်ငံခြားရေး၀န်ကြီးရဲ့ ဥရောပခရီးစဥ်မှာ ဥရောပနိုင်ငံတွေအနေနဲ့ အိုလံပစ်ပွဲကို မဖြစ်မနေ လာရောက်တက်ကြဖို့ မေတတ္တာရပ်ခံခဲ့ပါသေးတယ်။
BNN
