ယူကရိန်းနယ်စပ်က ရုရှားမြို့ဖြစ်တဲ့ နိုဗိုရှပ်တင့်စ်မြို့မှာ စစ်မြေပြင်ကထွက်ပြေးလာတယ်လို့ယူဆရတဲ့ ရုရှားစစ်သားတစ်ဦးက မြို့လုံခြုံရေးတာဝန်ယူနေတဲ့ ရဲတပ်ဖွဲ့တွေကို ပစ်ခတ်ခဲ့ ကြောင်း ရုရှားအစိုးရ သတင်းတွေက ဖေါ်ပြပါတယ်။
မြို့အဝင်လုံခြုံရေးယူနေတဲ့ ရဲတပ်ဖွဲ့ကို အဆိုပါ ရုရှားစစ်ပြေးက စတင်ပစ်ခတ်ခဲ့ပြီး မြို့ထဲကို ဝင်ရောက်ထွက်ပြေးသွားတယ်လို့ သတင်းတွေက ဆိုပါတယ်။ အဆိုပါတပ်ပြေးကို လိုက်လံ ရှာဖွေနေသလို မြို့ခံတွေအနေနဲ့ အိမ်အပြင်ကို မထွက်ကြဖို့ ဒေသခံအာဏာပိုင်တွေက သတိပေး ထားတယ်လို့လည်း သတင်းတွေက ဖေါ်ပြပါတယ်။

တပ်ပြေးလက်ထဲမှာ လက်နက်အပြည့်အစုံပါသလို တစ်ဦးထက်မက များနိုင်တဲ့အတွက် လုံခြုံရေးတွေ တိုးမြှင့်ချထားတယ်ဆိုပါတယ်။ ပစ်ခတ်မှုကြောင့် အနည်းဆုံး ရဲအရာရှိတစ်ဦး အပြင်းအထန်ဒဏ်ရာရခဲ့ကြောင်းလည်း ရုရှား သတင်းတွေက ဖေါ်ပြနေပါတယ်။