၉/၄/၂၀၂၂
ယူကရိန်းနိုင်ငံဟာ မကြာခင် ဥရောပသမဂ္ဂအဖွဲ့၀င်နိုင်ငံဖြစ်လာမယ်လို့ ဥရောပကော်မရှင်အကြီးအကဲ Ursula von der Leyen က ပြောပါတယ်။ ယူကရိန်း သမ္မတ Volodymyr Zelenskyy နဲ့ ဥရောပသမဂ္ဂခေါင်းဆောင်တွေ မနေ့က ကိယက်ဗ်မြို့တော်မှာ တွေ့ဆုံဆွေးနွေးခဲ့ပြီး ပြုလုပ်တဲ့ သတင်းစာရှင်းလင်းပွဲမှာ ပြောလိုက်တာပါ။
အဖွဲ့၀င်အဖြစ်တရား၀င်လျှောက်ရမယ့် လျှောက်လွှာကိုလည်း သမ္မတ Volodymyr Zelenskyy ကို ပေးအပ်ခဲ့ပြီး အမြန်ဆုံး အဖွဲ့၀င် ဖြစ်လာဖို့ ကျိုးစားသွားမယ်လို့ ဥရောပကော်မရှင်အကြီးအကဲ Ursula von der Leyen ကပြောပါတယ်။
အဖွဲ့၀င်ဖြစ်ဖို့အပြင် ရုရှားကျုးကျော်မှုကို ခုခံဖို့ လိုအပ်တဲ့ တခြားအကူအညီတွေကိုလည်း ဆက်လက်ပေးအပ်သွားမယ်ဆိုပါတယ်။ ဥရောပကော်မရှင်အကြီးအကဲ Ursula von der Leyen နဲ့ ဥရောပနိုင်ငံခြားရေးရာတာ၀န်ခံ Josep Borrell Fontelles တို့ ဟာ ဆလိုဗက်ကီးယား၀န်ကြီးချုပ် Eduard Heger နဲ့အတူ မနေ့က ယူကရိန်းကို ရောက်လာပြီး သမ္မတ Volodymyr Zelenskyy နဲ့ တွေ့ဆုံဆွေးနွေးခဲ့ကြတာဖြစ်ပါတယ်။
