အရန်တပ်သား ၃ သိန်းကျော် စုစည်းလေ့ကျင့်အပြီးမှာ ရုရှားတပ်တွေက ယူကရိန်းစစ်မြေပြင်မှာ လက်လွှတ်ခဲ့ရတဲ့ နယ်မြေဒေသတွေကို ပြန်လည်သိမ်းပိုက်နိုင်နေပြီလို့ ရုရှား ကာကွယ်ရေး ဝန်ကြီးဌာနက သတင်းထုတ်ပြန်ပါတယ်။ ယူကရိန်းတပ်သားတွေ နေ့စဥ် ရာချီသေဆုံးနေရသလို အရေးကြီး ဒေသတွေကို သွေးသစ်လောင်းထားတဲ့ ရုရှားတပ်တွေက ပြန်လည်သိမ်းယူနေပြီလို့လည်း ပြောပါတယ်။
နိုဝင်ဘာ ၇ ရက် ညက ထုတ်လွှင့်တဲ့ ရုရှားအစိုးရ ရုပ်/သံ အစီအစဥ်မှာ တင်ဆက်သူ အမျိုးသမီး အိုလ်ဂါ စကာဘီရဲဗားက ကာကွယ်ရေး ဝန်ကြီးဌာန သတင်းထုတ်ပြန်ချက်တွေနဲ့ ပတ်သက်လို့ ယူကရိန်း စစ်မြေပြင်မှာ ရှိနေတဲ့ သတင်းထောက် ဒီမီထရီ စတက်ရှင်ကို တိုက်ရိုက် မေးမြန်းကြည့်မယ် ဆိုပြီး …
“ရုရှားတပ်တွေ ရှေ့ကို ဘယ်နေရာတွေအထိ ပြန်လည် ချီတက် သိမ်းပိုက်နိုင်နေပြီလဲ၊ ရှင်းပြပေးပါ” လို့ မေးရာမှာတော့ …
“ငါတို့ တစ်နေ့ကို ၃ စင်တီမီတာ တိတိ ရှေ့ကို တိုးနေပါတယ်ဆိုတဲ့ ရှေ့တန်း စနိုက်ပါတစ်ယောက်ရဲ့ ပြောစကားကိုပဲ လက်ဆင့်ကမ်းချင်တယ်” ဆိုပြီး စစ်မြေပြင် ရုရှားသတင်းထောက် ဒီမီထရီ စတက်ရှင်က ပြောသွားပါတယ်။
