၂၂/၅/၂၀၂၂
ယူကရိန်းအရှေ့ပိုင်းမှာ ကျူးကျော်စစ် ဆင်နွှဲနေတဲ့ ရုရှားတပ်တွေကြားမှာ အမေရိကန် ဟောင်ဝစ်ဇာ လက်နက်ကြီး အကြောက်တရား ဖိစီးမှုများနေကြောင်း ရုရှား ဝါဒဖြန့်ရုပ်သံတွေကိုယ်တိုင်က ဖွင့်ဟပြောဆိုလာပါတယ်။
ဒါတောင် လက်ရှိပေးပို့ထားတဲ့ ဟောင်ဝစ်ဇာတွေမှာ ဒီဂျစ်တယ်နဲ့ ထိန်းချုပ်ပစ်ခတ်နိုင်တဲ့ စနစ်ကို အမေရိကန်တွေက ဖြုတ်ထားတာဖြစ်ပြီး ဒီဂျစ်တယ်စနစ်ပါ တပ်ဆင်ပေးလိုက်ရင် ဒီ့ထက်ပိုပြီး ဆိုးရွားသွား နိုင်တယ်လို့လည်း ရုရှား ရုပ်သံ ဝါဒဖြန့်သမားတွေက ဆိုပါတယ်။
ဟောင်ဝစ်ဇာ အမြောက်ကျည် ကျသံကြားတာနဲ့ ရုရှားတပ်တွေ နောက်ကြောင်း ပြန်ပြေးနေရတာကိုလည်း ရုရှားလူမှု ကွန်ရက်တွေပေါ်မှာ ဗီဒီယိုတွေနဲ့ တင်ထားတာလည်း တွေ့ရပါတယ်။ ပြီးခဲ့တဲ့ရက်က ပေးပို့တဲ့ ဒေါ်လာ သန်း ၁၀၀ ဖိုးရှိ ဟောင်ဝစ်ဇာတွေမှာတော့ ဒီဂျစ်တယ်စနစ်နဲ့ ပစ်ခတ်နိုင်တဲ့ စနစ်ကို တပ်ဆင်ပေးထားသလို ဟောင်ဝစ်ဇာ ကာကွယ်ရေး ရေဒါစနစ်တွေပါ တပ်ဆင်ပေးထားတယ်လို့ အမေရိကန်က သတင်းထုတ်ပြန်ထားပါတယ်။
BNN သတင်းဌာနသည် ဒီမိုကရေစီ နှင့် လူ့အခွင့်အရေးကို အလေးထားပြီး မြန်မာပြည်သူတို့အတွက် သတင်းမှန် များကိုသာ တင်ဆက်ပေးသွား မည်ဖြစ်သည်။
Burma News Network
