ရန်ကုန်၊ ဇန်နဝါရီ ၈
ရန်ကုန်တိုင်း အတွင်းရှိ ဒေါပုံ၊ မြောက်ဥက္ကလာ၊ လှိုင်သာယာ၊ သာကေတ၊ အင်းစိန်၊ ထန်းတပင်၊ သုံးခွ၊ လမ်းမတာ်၊ စမ်းချောင်းစသည့် မြို့နယ်များတွင် တပ်စွဲထားသော အကြမ်းဖက် စစ်ကောင်စီ တပ်ဖွဲ့များကို ရန်ကုန်တိုင်း စစ်ဒေသခွဲ ကွပ်ကဲရေအဖွဲ့က ပျံလွှားအောင် စစ်ဆင်ရေးအမည်ဖြင့် ဇန်နဝါရီလ ၅ရက်နေ့မှ ၈ရက်နေ့ထိ ပစ်မှတ်ထား တိုက်ခိုက်ခဲ့ကြောင်းသိရသည်။ ယင်းကြောင့် အကြမးဖက် စစ်ကောင်စီ တပ်သားအချို့ သေဆုံးကာ ဒဏ်ရာရရှိသူများ ပြားခဲ့ကြောင်း သိရသည်။
ဖြစ်ပွားခဲ့သည့် တိုက်ခိုက်ရေး ဖြစ်စဉ်များမှာ ဒေါပုံမြို့နယ် ဒေါပုံရဲစခန်းအတွင်းရှိ အကြမ်းဖက် စစ်ကောင်စီ တပ်ဖွဲ့များ နေရာယူထားသည့် ဘန်ကာအတွင်းသို့ ဇန်နဝါရီလ ၅ရက်နေ့ ည၇နာရီခန့်တွင် PDF တပ်ဖွဲ့တစ်ဖွဲ့ဖြစ်သော BFRAF တပ်ဖွဲ့က လက်ပစ်ဗုံးဖြင့် ပစ်ခတ်တိုက်ခိုက်ခဲ့ပြီး စစ်သား ၂ဦးသေဆုံးခဲ့ကြောင်း သိရသည်။
ယနေ့ ဇန်နဝါရီလ ၈ရက်နေ့ နံနက် ၈နာရီ ၃ဝမိနစ်တွင် လမ်းမတော် မြို့နယ် ၊ စမ်းချောင်း စည်ပင်တရားရုံး နှင့် မြေနီကုန်းတံတားအောက် ယာဉ်ထိန်းရုံးအနီး တပ်စွဲထားသည့် စစ်ကောင်စီတပ်ဖွဲ့ဝင်များနှင့် လမ်းမတော် ရဲစခန်း ဘန်ကာအနီးရှိ စစ်ကောင်စီ တပ်ဖွဲ့ဝင်များကို PDF တ ပ်ဖွဲ့တစ်ဖွဲ့ဖြစ်သော Dark Shadow တပ်ဖွဲ့ နှင့် ဗမာ့လူငယ်ကွန်ရက် တပ်ဖွဲ့တို့က အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ပြီး ထိခိုက်သေဆုံးမှု အခြေအနေကို မသိရှိရသေးကြောင်း ရန်ကုန်တိုင်း စစ်ဒေသခွဲ ကွပ်ကဲရေအဖွဲ့ထံမှ သိရသည်။
အလားတူ မြောက်ဥက္ကလာမြို့နယ် ရွှေပေါက္ကံမြို့သစ် တောင်ငူလမ်းရှိ ဘောလုံးကွင်းတွင် တပ်စွဲထားသော စစ်ကောင်စီ တပ်ဖွဲ့များကို PDF တ ပ်ဖွဲ့တစ်ဖွဲ့ဖြစ်သော YFAနှင့် CGF-YGN တပ်ဖွဲ့များက ၄ဝ မမ ဗုံးသီး ၃လုံးဖြင့် ဇန်နဝါရီလ ၆ရက်နေ့ နံနက် ၅နာရီခန့်တွင် ပစ်ခတ်တိုက်ခိုက်ခဲ့ပြီး စစ်သား ၁ဝဦးထပ်မနည်း ထိခိုက် ဒဏ်ရာရရှိခဲ့ကြောင်း သိရသည်။
ယင်းအပြင် လှိုင်သာယာမြို့နယ် ရုံးရှေ့မှတ်တိုင်အနီး ကင်းပုန်းဝတ်နေသည့် အကြမ်းဖက် စစ်ကောင်စီ တပ်ဖွဲ့များကို ဇန်နဝါရီလ ၆ရက်နေ့ နံနက် ၉နာရီ ၃ဝမိနစ်တွင် PDF တ ပ်ဖွဲ့တစ်ဖွဲ့ဖြစ်သော CGF-YGNတပ်ဖွဲ့နှင့် SRF တပ်ဖွဲ့တို့ ပူးပေါင်းကာ အနီးကပ် ပစ်ခတ်တိုက်ခိုက်ခဲ့ကြောင်း သိရသည်။
အလားတူ လှိုင်သာယာမြို့နယ် ၁၉ ရပ်ကွက်ရှိ အကြမ်းဖက် စစ်ကောင်စီ တပ်ဖွဲ့များ နေရာယူထားသည့် အုပ်ချုပ်ရေးမှူးရုံးကို ဇန်နဝါရီလ ၇ရက်နေ့ ည၇နာရီ ၃ဝမိနစ်ခန့်တွင် နယ်မြေခံ PDF တပ်ဖွဲ့များက အဝေးထိန်းမိုင်းဖြင့် ဖောက်ခွဲ တိုက်ခိုက်ခဲ့ပြီး စစ်ကောင်စီ တပ်ဖွဲ့ဝင် တချို့ ထိခိုက်ဒဏ်ရာရရှိခဲ့ကြောင်း သိရသည်။
သာကေတမြို့နယ် နှင့် အင်းစိန်မြို့နယ်တို့တွင်လည်း EPC ရုံးတွင်း တပ်စွဲထားသည့် စစ်ကောင်စီတပ်ဖွဲ့ဝင်များကို BFRAFတပ်ဖွဲ့ နှင့်DRF တပ်ဖွဲ့တို့က
လက်ပစ်ဗုံးဖြင့် ပစ်ခတ် တိုက်ခိုက်ခဲ့ကြောင်းသိရသည်။
နောက်ထပ် ဖြစ်စဉ်များဖြစ်သည့် ထန်းတပင် နှင့် သုံးခွ မြို့နယ် တို့ရှိ စစ်ကောင်စီပိုင် Mytel တာဝါတိုင်များကို နယ်မြေခံ ပြည်သူ့ကာကွယ်ရေး တပ်ဖွဲ့များက အဝေးထိန်းမိုင်းဖြင့် ဖောက်ခွဲ ဖျက်ဆီးခဲ့ကြောင်းသိရသည်။
REF: KTM
