ရန်ကုန်၊ ဒီဇင်ဘာ ၉
ရန်ကုန်တိုင်းတောင်ဥက္ကလာမြို့မရဲစခန်းကို ယနေ့ ညနေ ၅ နာရီ ၄၀ မိနစ်အချိန်တွင် သေနတ်ဖြင့် လာရောက်ပစ်ခတ်ပြီး ရဲတစ်ဦး သေဆုံးကာ ၂ ဦးဒဏ်ရာရရှိကြောင်း တောင်ဥက္ကလာဒေသခံများထံမှ သိရှိရသည်။
“ ကားနဲ့လာ တယ် ဗုံးနဲ့ပစ်တယ်။ သေနတ်လည်းပါတယ် ပစ်တယ် သေတာကတော့ ရဲ ၁ ဦး ပွဲချင်းပြီးသေတယ်” ဟု တောင်ဥက္ကလာပ တွင် နေထိုင်သူ တစ်ဦးက ပြောသည်။

အလားတူ မရမ်းကုန်းမြို့နယ် ရဲစခန်းတွင်လည်း ယနေ့ ညနေ ၄ နာရီဝန်းကျင်တွင် ဗုံးဖြင့် ပစ်ခတ်တိုက်ခိုက်ခံရမှု ဖြစ်ပွားကြောင်း ဒေသခံများထံမှ သိရှိရသည်။
” မရမ်းကုန်းရဲစခန်း အပစ်ခံရတယ်ကြားတယ် စွယ်တော်နားက စခန်းကို ပစ်သွား တယ်လို့ပြောတယ်။ အသေအပျောက်တွေဘာတွေ သေချာမသိသေးဘူး” ဟု ဒေသခံတစ်ဦးက ဆိုသည်။
#KTN