၂၁ ဩဂုတ် ၂၀၂၁
ကျွန်တော့်နာမည် ဗိုလ်ကြည်မင်းဟန်ပါ။ တပ်မတော် နည်းပညာတက္ကသိုလ်ဗိုလ်လောင်းသင်တန်း အမှတ်စဉ် (၂၁) က ဆင်းတာပါ။ ကျွန်တော် မတ်လ (၁၂) ရက်နေ့မှ ာCDM စလုပ်ခဲ့ပါတယ်။ ကျွန်ဝောာ့်အနေနဲ့ အာဏာသိမ်းလိုက်တာ၊ လုလိုက်တာကို အရမ်းလည်း အံ့ဩခဲ့ရသလို လုံး၀လည်း လက်မခံခဲ့ပါဘူး။
အာဏာ စသိမ်းကတည်းက လက်မခံကြောင်း speak out လုပ်တာ status တင်တာတွေ တောက်လျှောက် လုပ်ခဲ့တဲ့အတွက် စီနီယာတွေ၊ တပ်ဘက်အသိုင်းဝိုင်းတွေရဲ့ တားမြစ်တာ ပြောဆိုတာတွေ ခံခဲ့ရပါတယ်။ အဆင်ပြေပြေနဲ့ဆက်နေလို့ရတဲ့ အနေအထား ရှိပေမယ့် ဆိုးဆိုးဝါးဝါး မှားယွင်းလွန်းတဲ့လုပ်ရပ်ကြီးကို လုံး၀လက်မခံနိုင်တာရော အသိမှား အတွေးမှားတွေနဲ့ အယူအဆမတူတဲ့ ပတ်၀န်းကျင်အောက်မှာ အာဏာရှင်တွေရဲ့ ထောက်တိုင်တစ်ခု၊ လက်ကိုင်တုတ်တစ်ခုအဖြစ် ဆက်လက်တာ၀န်ထမ်းဆောင်လိုစိတ် မရှိတော့တာကြောင့် ပြည်သူလူထုနဲ့ အတူရပ်တည်ပြီး CDM ပြုလုပ်ခဲ့တာပါ။
CDM ပြုလုပ်ပြီးနောက်ပိုင်း People’s Soldier က ကိုညီသုတတို့နဲ့ ချိတ်ဆက်ပြီး တော်လှန်ရေး အောင်မြင်ဖို့ တတ်နိုင်တဲ့ အစိတ်အပိုင်းက ပါ၀င်ကူညီဆောင်ရွက်လျှက်ရှိပါတယ်။ အာဏာသိမ်းပြီးနောက် တပ်မတော်ရဲ့လုပ်ရပ်တွေက ကျင့်၀တ် (၆၀) ထဲက ပြည်သူလူထုအပေါ်ပြုကျင့်ရမည့် ကျင့်၀တ် (၁၀) ပါးထဲက အချက်တွေနဲ့ လုံး၀ဆန့်ကျင်ဖက် ဖြစ်နေခဲ့ပါတယ်။
ကိုယ့် Professional က ဘာလဲဆိုတာ သေချာသိဖို့လိုပါတယ်။ စစ်တိုက်တတ်ရုံနဲ့ နိုင်ငံကို တည်ဆောက်အုပ်ချုပ်သွားလို့ မရပါဘူး။ မကျွမ်းကျင်ရာမှာတွေလည်း ဇွတ်လိမ္မာချင်တဲ့အဖြစ်မျိုး ကျွန်တော်တို့ခေတ်မှာ လုံး၀လက်ခံသွားမှာမဟုတ်တော့ပါဘူး။ ကျွန်တော် ပြည်သူလူထုနဲ့အတူ အဆုံးထိ ရပ်တည်ပြီး စစ်အာဏာရှင် စစ်အုပ်ချုပ်ရေးစနစ် ပျက်သုဉ်းသွားဖို့ တတ်နိုင်တဲ့ တစ်ထောင့်တစ်နေရာက ဆက်လက်ပါ၀င်ကူညီသွားမှာပါ။
BNN/NEWS
