နိုဝင်ဘာ ၈
ပြည်သူတို့ရဲ့ အခွင့်အာဏာကို ပြည်သူတို့ထံ ပြန်လည်အပ်နှံနိုင်ရေးနဲ့ ဖက်ဒရယ် ဒီမိုကရေစီပြည်ထောင်စု ဖြစ်ထွန်းပေါ်ပေါက်ရေးအတွက် ပြည်သူလူထုနဲ့အတူ တာဝန်ကျေပွန်စွာ ဆက်လက်ထမ်းဆောင်သွားမယ်လို့ NLD က ထုတ်ပြန်အသိပေးလိုက်ပါတယ်။
ယနေ့ နိုဝင်ဘာလ ၈ရက်နေ့မှာကျရောက်သည့် ၂၀၂၀ပြည့်နှစ် အထွေထွေရွေးကောက်ပွဲ ၁နှစ်ပြည့်နေ့မှာ အမျိုးသားဒီမိုကရေစီအဖွဲ့ချုပ်(NLD)ပါတီက သဘောထားကြေညာချက်တစ်စောင် ထုတ်ပြန်လိုက်တာဖြစ်ပါတယ်။
ဆက်လက်ပြီး ဒီမိုကရေစီရဲ့ အနှစ်သာရကို ကောင်းစွာသိရှိနားလည်ပြီး ဒီမိုကရေစီကို ချစ်မြတ်နိုးကြသည့် ပြည်သူလူထုတစ်ရပ်လုံးသည် အာဏာသိမ်းမှုကို ဆန့်ကျင်ကန့်ကွက်နေကြသည်ကို NLD အနေနဲ့ ကောင်းစွာသိရှိပြီး အထူးလေးစားအားထားတယ်လို့ ဆိုပါတယ်။
ဒါ့ပြင် NLD ပါတီအနေနဲ့ ပြီးခဲ့သည့် ၂၀၂၀ပြည့်နှစ် နိုဝင်ဘာလ ၈ရက် အထွေထွေရွေးကောက်ပွဲမှာ မဲဆန္ဒနယ်အားလုံးရဲ့ ၈၂ရာခိုင်နှုန်းကျော် ရွေးကောက်တင်မြှောက်ခံရကာ သောင်ပြိုကမ်းပြို အနိုင်ရရှိခဲ့တာပါ။
MMP
