၄/၆/၂၀၂၂
ဒီမိုကရေစီရေးတက်ကြွလှုပ်ရှားသူများနဲ့ အခြားအကျဉ်းသားများကို သေဒဏ်ချမှတ်အတည်ပြုဖို့ စီစဥ်နေတဲ့ အာဏာသိမ်းအကြမ်းဖက် မြန်မာစကစရဲ့ လုပ်ရပ်တွေကို ဗြိတိန်အပါအ၀င် နိုင်ငံတကာက ပြင်းပြင်းထန်ထန် ရှုတ်ချထားသည်ကို တွေ့ရသည်။
ဘက်ပေါင်းစုံအကျပ်အတည်းနဲ့ရင်ဆိုင်နေရတဲ့ အာဏသိမ်းစကစဟာ နိုင်ငံတကာက သူ့အပေါ် အရေးတယူ စကားလာပြောကြဖို့နဲ့ လူရာသွင်းဖို့ ကျိုးစားတဲ့အနေနဲ့ သေဒဏ်ချမှတ်မှုတွေကို အသုံးချဖို့ ပြင်ဆင်လာတာလို့လည်း နိုင်ငံတကာသံတမန်အသိုင်းအဝိုင်းက ယူဆနေပါတယ်။
သေဒဏ်သာတကယ်ပဲ အတည်ပြုအကောင်အထည်ဖေါ်မယ်ဆိုရင် စကစ ဟာ သူ့ကိုယ်သူ သေကြောင်းကြံစည်ခြင်းသာဖြစ်လိမ့်မယ်
ရွာတွေကို မီးရှို့ ဖျက်ဆီး လုယက်ပြီး အပြစ်မဲ့အရပ်သားတွေကို ရက်စက်စွာသတ်နေပေမဲ့ ဒီမိုကရေစီလိုလားသူတွေရဲ့ ခုခံတော်လှန်မှုတွေက ကျဆင်းမသွားပဲ ပိုတိုးလာတဲ့အနေအထားနဲ့ ရင်ဆိုင်နေရချိန်မှာ သေဒဏ်ကို လက်နက်သဖွယ်အသုံးချဖို့ ပြင်ဆင်လာတာလို့လည်း အာဆီယမ်သံတမန်တစ်ဦးက ပြောပါတယ်။
အရင်အာဏာသိမ်း န၀တ နအဖလက်ထက်ကကျင့်သုံးခဲ့တဲ့ နည်းနာအတိုင်း ထောင်နှစ်ရှည်တွေအရင်ချမှတ်ပြီးမှ အကျဥ်းသားပြန်လွှတ်ပေးရေးဆိုတဲ့ သဘောတူညီချက်တွေနဲ့ နိုင်ငံတကာနဲ့ အပေးအယူလုပ်ဖို့ စကစ က ပြင်ဆင်ခဲ့ပေမဲ့ မအောင်မြင်ဘူးဆိုပါတယ်။
အဲဒီအတွက် နောက်တဆင့်အနေနဲ့ သေဒဏ်ဆိုတဲ့လက်နက်ကို ထုတ်သုံးလာတာလို့ အဆိုပါ အာဆီယမ်သံတမန်က ဆိုပါတယ်။ ဒါပေမဲ့ စကစရဲ့အစီအစဥ်တွေဟာ ထင်ထားသလို ဖြစ်လာမှာမဟုတ်ပဲ ပိုမိုဆိုးဝါးပြင်းထန်တဲ့ ဖိအားမျိုးစုံနဲ့ပဲ ရင်ဆိုင်ရလိမ့်မယ်လို့လည်း အာဆီယမ်သံတမန်က ပြောပါတယ်။ သေဒဏ်သာတကယ်ပဲ အတည်ပြုအကောင်အထည်ဖေါ်မယ်ဆိုရင် စကစ ဟာ သူ့ကိုယ်သူ သေကြောင်းကြံစည်ခြင်းသာဖြစ်လိမ့်မယ်လို့လည်း စကစဗိုလ်ချုပ်များနဲ့ရင်းနီးတဲ့ အဆိုပါ အာဆီယမ်သံတမန်က သုံးသပ်ပြောဆိုပါတယ်။
#BNN #စကစမအလ
