စစ်ကိုင်းတိုင်း၊ ခင်ဦးမြို့နယ် ပျဉ်ထောင်ကျေးရွာကို အကြမ်းဖက်အာဏာသိမ်းစစ်တပ်တွေက ဒီကနေ့ အောက်တိုဘာလ ၁ ရက်နေ့ မနက်အစောက ဝင်ရောက်စီးနင်းပြီး ၅ နှစ်ကလေးငယ် အပါအဝင် ရွာသူရွာသား ၅ ဦးကို ပစ်သတ်သွားကြောင်း ဒေသခံတွေကပြောပါတယ်။
စစ်ကိုင်းတိုင်းကို အာဏာသိမ်းပြည်ထဲရေးဝန်ကြီးနဲ့ ဒုဝန်ကြီးတွေကိုယ်တိုင် နယ်မြေရှင်းလင်းရေးစီမံချက်လုပ်ဖို့ လာရောက်ဦးစီးအမိန့်ပေးနေတယ်လို့ မုံရွာတပ်တွင်းဖရဲသီးတွေကပြောပါတယ်။ တွေ့သမျှရွာတွေကို ဖျက်စီးဖို့ အစီအစဉ်ရှိတယ်ဆိုပါတယ်။
စစ်သားတော်တော်များများကို ရဲယူနီဖေါင်းဝတ်ခိုင်းထားပြီး ဖွတ်အမတ်ပြုတ် ဦးမောင်မြင့်နဲ့ ဘူးလက်လှဆွေတို့ရဲ့ ပျူစောထီးဖွတ်တွေကိုတော့ လက်နက်ပေးပြီး စစ်ယူနီဖေါင်းတွေဝတ်ခိုင်းထားတယ်လို့ မုံရွာ ဖရဲသီးတချို့ကပြောပါတယ်။
