တိုက်ပွဲ အတွင်း လေးကေ့ကော်မြို့ အခြေအနေ
လေးကေ့ကော်မြို့ ကို စစ်ကောင်စီဘက်မှ စစ်ကြောင်းထိုး ကာ အင်အားအလုံးအရင်းဖြင့် ထိုးစစ်ပြုလုပ်လျက်ရှိနေပါသည်။ စစ်ကောင်စီတပ်တွင် ခြေလျင်တပ်သားများ အထိနာလျက်ရှိပြီး ၎င်းတို့ဘက် ခမရ (၂၀၇) မှ တပ်ခွဲမှူးဗိုလ်ကြီး တင်လင်းနိုင် (ကြည်း – ***၄၈) အား အရှင် ဖမ်းဆီး ရမိခဲ့ပါသည်။ ယခုအခါ စစ်ကောင်စီသည် လေးကေ့ကော်မြို့ကို လေကြောင်းမှ ပါ ထိုးစစ်ပြုလုပ်လျက်ရှိနေရာ လေးကေ့ကော်မြို့ ယနေ့ မနက် (၁၀) နာရီခန့်မှ စတင်ကာ တိုက်ခိုက်ရေး လေယာဥ် (၂)စီး ဖြင့် (၂၂) ကြိမ် ဝဲပျံ ပစ်ခတ် ဗုံးကြဲခဲ့ကာ (၅ ခေါက်) လာရောက် ခဲ့ပါသည်။ လေကြောင်း တိုက်ခိုက်မှုကြောင့် လေ့ကေ့ကော် ဒေသရှိ ပြည်သူပိုင်နေအိမ် အလုံး ( ၃၀ ) ခန့် ပျက်စီးခဲ့ပြီး နေအိမ် (၅) လုံး မီးလောင် ပျက်စီးခဲ့ ကြောင်းကို Cobra Column အဖွဲ့က တိုက်ပွဲ သတင်းထုတ်ပြန်ထားပါသည်။
ကော်ဘရာ အဖွဲ့၏ ကြုံးဝါးသံ
ပစ်ထား ပစ်ထား မင်းတို့ လေးကေ့ကော် မြို့ ကို ဖျက်ဆီးထား
အေး မင်းတို့ နေပြည်တော်ကို ငါ ပြန်ဖျက်ဆီးတဲ့အချိန်ကျရင် မင်းတို့ မျက်ရည်မကျနဲ့နော်
မင်းအောင်လှိုင် မင်း ….အေး…. ငါတို့ လေးကေ့ကော်မြို့ကို မင်းတို့ ဖျက်ဆီးထားတယ်နော် မင်းတို့ ဂျက်ဖိုက်တာတွေနဲ့ မင်း ပြည်သူလူထု အိမ်တွေကို မင်းတို့ဖျက်ဆီးထားတယ် မင်းပစ်နေတယ် မင်းနေပြည်တော်ကို လာပစ်တဲ့ နေ့ (ပြန်တိုက်တဲ့နေ့) ကျရင် မင်းမျက်ရည်မကျနဲ့ မင်းကို ငါ စိန်ခေါ်တယ်
” တိုက်ပွဲ သတင်း အနှစ်ချုပ် ထုတ်ပြန်ခြင်း “
ယနေ့မနက် (၂) နာရီခွဲခန့်မှ စတင်၍ အကြမ်းဖက် စစ်ကောင်စီ ၏ တပ်မ ( ၄၄ ) လက်အောက်ခံ ၊ခမရ (၂၀၇) မှ တပ်ရင်းမှူး သက်နိုင်ဦး ဦးစီးသော စစ်ကြောင်း (၁) အမည်ဖြင့် အင်အား (၄၅) ဦးသည် လေ့ကေ့ကော် မြို့သစ်အတွင်းသို့ ကျူးကျော် ဝင်ရောက်ခဲ့ပါသည်။ ကျူးကျော် ဝင်ရောက်ပြီးနောက် စွယ်တော်ကုန်းနှင့် လက်ခတ်တောင် ရှိ အမြှောက်များမှ တရစပ် ပစ်ကူပေး ပစ်ခတ်ခဲ့ပါသည်။ မြေပြင် စစ်ကြောင်းမှလည်း ၄၀ မမ များဖြင့် တရစပ် ပစ်ခတ်လျက်ရှိရာ Cobra စစ်သည်များနှင့် ထိတွေ့ တိုက်ပွဲ ဖြစ်ပွားခဲ့ပါသည်။ မိုးသောက်ချိန်မှ ညနေ အချိန်အထိ ရင်ဆိုင်တိုက်ပွဲ ဆက်လက် ဖြစ်ပွားခဲ့ပါသည်။ ထပ်မံ၍ စစ်ကောင်စီ၏ တပ်ကူများ အများအပြား ရောက်ရှိလာသော်လည်း မည်သည့် တပ်မှန်း အတည်မပြုနိုင်သေးပါ။
စစ်ကြောင်းထိုးလာသော ခမရ (၂၀၇) မှ တပ်ခွဲမှူးဗိုလ်ကြီး တင်လင်းနိုင် (ကြည်း – ***၄၈) အား အရှင် ဖမ်းဆီး ရမိခဲ့ပြီး စစ်ဆေးချက်အရ အကြမ်းဖက် စစ်ကောင်စီဘက်မှ တပ်ရင်းမှူး နှင့် IO အရာရှိ အပါအဝင် စစ်ကြောင်း တစ်ကြောင်းလုံး နီးပါး သေဆုံးကြောင်း သိရပါသည်။ တပ်ရင်းမှူး၏ အလောင်းကို မရ ရှိသေးသဖြင့် အတည်မပြုနိုင်သေးပါ။ နယ်မြေရှင်းလင်းရေး ဆောင်ရွက်ရာ စစ်ကောင်စီ အလောင်း (၁၂) လောင်းနှင့် လက်နက် (၉) လက် အပါအဝင် စစ်သုံးပစ္စည်းများ သိမ်းဆည်း ရမိခဲ့ပါသည်။
ကော်ဘရာ စစ်ကြောင်းမှ တော်လှန်ရေး ရဲဘော် (၂ )ဦး ပြည်သူ့လွတ်မြောက်ရေးအတွက် အသက်ပေးလှူသွားခဲ့ပြီး (၄) ဦး ထိခိုက် ဒဏ်ရာ ရရှိခဲ့ပါသည်။ လေကြောင်းတိုက်ခိုက်မှု အနေဖြင့် ယနေ့ မနက် (၁၀) နာရီခန့်မှ စတင်ကာ တိုက်ခိုက်ရေး လေယာဥ် (၂)စီး ဖြင့် (၂၂) ကြိမ် ဝဲပျံ ပစ်ခတ် ဗုံးကြဲခဲ့ကာ (၅ ခေါက်) လာရောက် ခဲ့ပါသည်။ လေကြောင်း တိုက်ခိုက်မှုကြောင့် လေ့ကေ့ကော် ဒေသရှိ ပြည်သူပိုင်နေအိမ် အလုံး ( ၃၀ ) ခန့် ပျက်စီးခဲ့ပြီး နေအိမ် (၅) လုံး မီးလောင် ပျက်စီးခဲ့ပါသည်။
Cobra Column | ရုပ်သံ – #CobraColumn
