ပြည်သူများ တော်ရုံ မြင်တွေ့ရန် ခက်ခဲသည့် နာမည်ကျော်အင်းစိန် ထောင်တွင်း မြင်ကွင်းများ

ပြည်သူများ တော်ရုံ မြင်တွေ့ရန် ခက်ခဲသည့် နာမည်ကျော်အင်းစိန် ထောင်တွင်း မြင်ကွင်းများ။

ဒီဇင်ဘာ ၁၀ရက် (10D) နေ့က အင်းစိန်ထောင်တွင်း အစာငတ်ခံဆန္ဒပြပြီး သွေးသစ္စာသီချင်းဆိုတဲ့ ရဲဘောင်တွေကို ရိုက်နှပ်ပြီးခေါ်ထုတ်တယ်။

နောက် သီးသန့်ဘက်ကနေ ထောင်မကြီးကိုပို့တဲ့ချိန် လျှောက်လမ်းတစ်လျှောက် လဲရိုက်နှပ်၊ မိန်းဂျေးရောက်တော့လဲ ထက်ရိုက် ပြီးတော့တိုက်ထဲထည့် တိုက်ပိတ်တယ်လို့ကြားကြပါတယ်။ အဲ့တော့ တိုက်ဆိုတာဘယ်လိုမျိုးလဲ ပြချင်လာလို့ပါ။ နောက်ပြီး ဦးဇာဂနာရဲ့ ၁တိုက်ကပုံတွေလဲ လိုင်းပေါ်တွေ့ရပါတယ်။

တိုက်ထဲမှာ ၁တိုက်၊ ၂တိုက်၊ ၃တိုက်၊ ၄တိုက်၊ ၅တိုက်၊ ၆တိုက် ဆိုပြီး တိုက်တန်းလျား ၆ခု ရှိပါတယ်။ ခုပုံမှာ ပါတဲ့တိုက်တွေကတော့ ၁တိုက်နဲ့ ၂တိုက်ရှည်ပါ။ ၂တိုက်ဟာ တော်တော်ရှည်ပါတယ်။ အဲ့ရှည်တဲ့ ၂တိုက်ကို ၂ပိုင်းကန့်လိုက်ပါတယ်။

တိုက်ရဲ့ထိပ်ပိုင်းကို သေဒဏ်သေထားပါတယ်။ သေဒဏ်တွေထားတဲ့အပိုင်းကို တိုက်တန်းလျားတစ်ခုလုံးရဲ့ ၃ပုံ ၁ပုံ ကန့်ထားပါတယ်။ ကျန်တဲ့၂ပုံကို ထောင့်တစ်သက်တွေ၊ နှစ်အကန့်သက်မရှိတွေကိုထားပါတယ်။ ခုပုံက ၃ပုံကို ၂ပုံ ကန့်ထားတဲ့အခြမ်းကပုံတွေပါ။ အဲ့ဘက်အခြမ်းက အနောက်ဘက်ကျပါတယ်။ အခေါ်ဝေါ်ကတော့ ၂-ရှည်လို့ခေါ်ပါတယ်။ သေဒဏ်ကျတဲ့ သူတွေကိုထားတဲ့ အပိုင်းကိုကျ ၂တိုလို့ခေါ်ပါတယ်။

၂ တိုက်ကိုနောက်တစ်မျိုး ရင်ခွဲတိုက်လို့လဲ ခေါ်ပါသေးတယ်။ သူ့အခန်းဖွဲ့စည်းပုံက ပုံမှာတွေ့ရတဲ့အတိုင်း မျက်နှာခြင်းဆိုင်ဖြစ်ပြီး လျှောက်လမ်းကို အလယ်မှာထား ထားပါတယ်။ တစ်ခန်းခြင်းစီမှာ ကြွေခွက်အိမ်သာရှိတယ်။ ရေပိုက်သွယ်ထားပေးပြီး အချိန်နဲ့ရေပေးပါတယ်။

၁တိုက်တော့ နိုင်ငံရေးသမားအများစုထားပါတယ်။ ကျွန်တော်တို့ ထောင်ကျလို့နေခဲ့ရတဲ့ တိုက်ပေါ့။ အခုလဲ ဦးမြအေးတို့၊ ကိုမင်းသွေးသစ်တို့၊ ကိုလူမင်းတို့ကို အဲ့တိုက်မှာ ထားထားပါတယ်(ထပ်ရွေ့ရင်တော့ မပြောတက်ပါ)။ ၁တိုက်မှာ အခန်း၁၄ခန်းရှိပါတယ်။ ရေချိုးကန်ပါတယ်။ အိမ်သာကြွေခွက်ပါတယ်။ ကြမ်းခြင်းကို ကြွေပြားခင်းထားတယ်။ သူကတော့ တစ်ဘက်ပွင့်တိုက်ပါ။

တိုက်ထဲမှာ ၂တိုက် ကလွဲလို့ ကျန် ၁တိုက်၊ ၃တိုက်၊ ၄တိုက်၊ ၅တိုက်၊ ၆တိုက်တွေဟာ တစ်ဘက်ပွင့်တွေချည်းပါပဲ။ ထပ်ပြီးပြောရမှာက ၄တိုက်ပါ။ တိုက်ထဲမှာ ၂တိုက်ပြီးရင် ၄တိုက်ဟာလဲ တော်တော်ရှည်ပါတယ်။ သူ့ကိုလဲ ၂တိုက်လိုပဲ ၂ခြမ်းခွဲကန့်လိုက်ပါတယ်။ ၄ရှည်နဲ့ ၄တိုပါ။ ၄ရှည်မှာတော့ နှစ်ကြီးသမားတွေထားပါတယ်။ ၄တိုမှာတော့ နိုင်ငံခြားသားတွေအများစု(တရုတ်တွေ)နေပါတယ်။ ၆တိုက်ကတော့ နာမည်ကျော်ပြစ်ဒဏ်တိုက်ပါ။

ဘာလို့လဲဆို ၆တိုက်မှာ လောက်ကိုက်တာခံဘူးလား ဆိုတဲ့စာအုပ်ရှိပါတယ်။ ဒါပေမဲ့ ၆တိုက်က အခန်းနဲတယ်။ ၁၀ခန်းပက်ဝန်းကျင်ပဲရှိတယ်။

အခု 10D မှာ ဆန္ဒပြလို့၊ သွေးသစ္စာသီချင်းဆိုလို့ တိုက်ပိတ်တယ်ဆိုရင် တိုက်ထဲမှာ ပိတ်ထားမဲ့နေရာက ကျွန်တော့်အထင် ၅တိုက်ထဲမှာ ပိတ်မယ်ထင်တယ်။ ၆တိုက်က ပြစ်ဒဏ်တိုက်ဆိုပေမဲ့ အခန်းနဲရယ် နောက်လူအများ သွားလာလျှောက်လမ်းရှေ့ဖြစ်နေတာကရယ်ကြောင့် ၆တိုက်မှာ ထားမယ်လို့မထင်ဘူး။ တိုက်ထဲမှာမဟုတ်ပဲ တခြားနေရာတွေမှာထားလဲ ဖြစ်နိုင်ပါသေးတယ်။ စစ်ခွေးတိုက်မှာလိုမျိုးပေါ့။

Credit – Zayar Lwin