အောက်တိုဘာ ၂၉ရက်နေ့ညနေပိုင်းမှာ နေပြည်တော်အချုပ်ထောင် ဒက္ခိဏခရိုင်အထူးတရားရုံးက အမျိုးသားဒီမိုကရေစီအဖွဲ့ချုပ် NLD နာယက ဦးဝင်းထိန်ကို ထောင်ဒဏ်အနှစ် ၂၀ချမှတ်လိုက်တယ်လို့ သူ့ရဲ့ရှေ့နေ ဦးမြင့်လွင်က အတည်ပြုပါတယ်။ ဦးဝင်းထိန်ကို စွဲဆိုထားတဲ့ နိုင်ငံတော်အကြည်ညိုပျက်စေမှု ပုဒ်မ ၁၂၄(က) ဟာ ပြစ်မှုထင်ရှားရင် အမြင့်ဆုံးပြစ်ဒဏ် ထောင်ဒဏ် အနှစ် ၂၀အထိချမှတ်နိုင်တဲ့ပုဒ်မဖြစ်ပြီး ဦးဝင်းထိန်ဟာ အမြင့်ဆုံးပြစ်ဒဏ်ကိုချမှတ်ခံခဲ့ရတာဖြစ်ပါတယ်။
ဦးဝင်းထိန်ကို ထောင်ဒဏ်အနှစ် ၂၀ချမှတ်ပြီးနောက် ဘယ်အကျဉ်းထောင်မှာ ထိန်းသိမ်းမယ်ဆိုတာကိုတော့ အတိအကျမသိရသေးပါဘူး။ ပြစ်မှုမမြောက်ဘဲ စွပ်စွဲခံရတာဖြစ်တဲ့အတွက် အယူခံဆက်ဝင်သွားမယ်လို့ ရှေ့နေ ဦးမြင့်လွင်က ပြောပါတယ်။
CRD
