၉ အောက်တိုဘာ ၂၀၂၁
တိုင်ဝမ်နဲ့ပြန်လည်ပေါင်းစည်းရေးကို မဖြစ်မနေလုပ်မယ်-ဒါပေမယ့် အကြမ်းမဖက် ငြိမ်းချမ်းတဲ့နည်းနဲ့ကျိုးစားသွားမယ်လို့ တရုတ်သမ္မတ Xi ကပြောပါတယ်၊ ဒီကနေ့ ဘီဂျင်းမြို့တော်ခန်းမမှာ ကျင်းပတဲ့ နှစ် (၁၁၀) မြောက်တော်လှန်ရေးနေ့အခမ်းအနားမှာ သမ္မတ Xi က မိန့်ခွန်းပြောရာမှာ ထဲ့သွင်းပြောလိုက်တာဖြစ်ပါတယ်။ တရုတ်အစိုးရအနေနဲ့ တိုင်ဝမ်ကို ဟောင်ကောင်ပုံစံမျိုး ” တနိုင်ငံ နိုင်ငံရေးစနစ် ၂ မျိုး” နဲ့ ပြန်လည်ပေါင်းစည်းနိုင်ဖို့ ကျိုးစားမှာဖြစ်ပေမယ့် အင်အားသုံးဖြေရှင်းတဲ့နည်းကို ရှောင်ရှားမယ်လို့ Xi ကဆိုပါတယ်။
တရုတ်လူမျိုးတွေရဲ့အစဉ်အလာ ယဉ်ကျေးမှုတွေကို မေ့လျော့ပြီး ခွဲထွက်ဖို့ကျိုးစားတာဟာ မကောင်းသလို သမိုင်းရဲ့အဆုံးအဖြတ်ကို ခံရလိမ့်မယ်လည်း သမ္မတ Xi က တိုင်ဝမ်အစိုးရကိုရည်ညွှန်းပြောဆိုပါတယ်။
တိုင်ဝမ်နဲ့ငြိမ်းချမ်းစွာပြန်လည်ပေါင်းစည်းရေးမှာ ပြည်ပက ဝင်ရောက်စွက်ဖက်မှုကိုတော့ လက်ခံမှာမဟုတ်ဘူးလို့ Xi ကဆိုပါတယ်။ အခုနှစ် ဇူလိုင် ၁ ရက်နေ့က ကျင်းပခဲ့တဲ့ ကွန်မြူနစ်ပါတီ နှစ် ၁၀၀ ပြည့်တုန်းကတော့ တိုင်ဝမ်လွတ်လပ်ရေးနဲ့ခွဲထွက်ရေး ကျိုးစားသူမှန်သမျှကို ချေမှူန်းအနိုင်ယူမယ်လို့ သမ္မတ Xi က ကြိမ်းဝါးခဲ့တာပါ။
အဲဒီကတည်းက တရုတ် တိုင်ဝမ်အရေး တင်းမာလာခဲ့သလို တောင်တရုတ်ပင်လယ်မှာ စစ်အင်အားပြိုင်ဆိုင်မှုတွေ ပြင်းထန်လာခဲ့တာဖြစ်ပါတယ်။
BNN/International
